[كسكسي بالقديد] من مطبخ نسيبة

**نسيبة** · 12-21-2011, 10:43 PM

بسم الله الرحمن الرحيم
السلام عليكم ورحمة الله وبركاته

كيف حالكم حبيبات ان شاء الله بخير اليوم حبيت نزل اول مشاركة ليا و انشاء الله نتابع

في طبخاتي نسيبة تحبك الطبخ هلبا هلبا لكن في كل مرة يا نحصل في تنزيل الصور

يا مسالة وقت و هذا اللي كان لكن لله الحمد شاء الرحمن ان اقدم

اول مشاركة مساء اليوم هني صبح المهم مع فارق التوقيت

درت يوم جمعة كسكسي بالقديد

منعطلش عليكن حبيات بالنسبة للمقادير

شوية قديد ،، حوال ملعقتين كبارزيت او ثلاثة كان القديد من مفيشه دهان

فيه اللي يخلي فيه يابس و يحطه في الفريز خاصة جماعة الدايت و الحمية و هو هكي احسن

بصراحة ،و ملعقتين طماطم صالصة، شوية فلفل، شوية بزار

ملح،حمص

و خضرتك

كوسا،ا قرعة حمراء، بطاطا ، باذنجان

ناخذ الطنجرة و نحط فيها الدبيرات بعد ما تتحمر البصلة شوية

ونحط قدياتي و نمرقها

الكسكاس نحط فيه البصيلة و الحمص

عاد لين يدبلو ا و اني نحط معهم شوية ملح ، وبزار و حراراتوفيه اللي يحطك فلفل احمر رشة
اني مندريش فيها

و تحت مع القديد نجهز خضرتي ،قريعة خضراء (كوسا) ، و بطاطا و باذنجان اللي عندك

بعدين ناخذ شوية من مرة القديد مش هلباو معها حرارات و بزار

ونحطها على البصلة و الحمص شوية على النارونطفيء

و نبوخ الكسكسي هني درت الواتي

كان في ليبيا راهو متع الحوش اللي صنته من وين و ين

المهم يمشي حاله

وبعد تبويخه هو شمسي معطلش هلبافي تطبيه
ناخذ شوية زهر و حرارات و دهان البصلةزمان عاد شوية سمن
و نسقي بالبصلة و نحط عاد القديات و الخضرة

اني حطيت شوية فلفل على الوجه
هههههه
المسير معنديش في هداقة اليوم
والصوينة الثانية من غيره
راهود نتسنى من زيارتكن حبيات

**للاهم** · 12-21-2011, 11:22 PM

انا نموت في الكسكسو بالقديد مستعدة نديره كمية ونسخن منه كم يوم
نحنا - عرب شرق ليبيا - نديروه في راس السنة الهجرية ونديروه بدف حولي العيد المقدد ونقلوه علي بعضه في المرقة البصلة والحمص والخضار
طريقتك كيف الكسكسو العادي بالبصلة وباين لذيذة سلم ايدياتك

**نسيبة** · 12-30-2011, 09:36 PM

اقتباس:
المشاركة الأصلية كتبت بواسطة للاهم
انا نموت في الكسكسو بالقديد مستعدة نديره كمية ونسخن منه كم يوم
نحنا - عرب شرق ليبيا - نديروه في راس السنة الهجرية ونديروه بدف حولي العيد المقدد ونقلوه علي بعضه في المرقة البصلة والحمص والخضار
طريقتك كيف الكسكسو العادي بالبصلة وباين لذيذة سلم ايدياتك

بارك الله فيك حبيبة
صح كل بلاد و طريقتها في الطبخ
اسعدني مرورك و ردك شكرا لك

**ام زكريا** · 12-21-2011, 11:43 PM

يا محلا كسكسه ورب يصب لخير عليه

**نسيبة** · 12-30-2011, 09:37 PM

اقتباس:
المشاركة الأصلية كتبت بواسطة ام زكريا
يا محلا كسكسه ورب يصب لخير عليه

يصب الخير عليا وعليك غالية
شكرا لكككككككككككككك و مرحبا بحضورك الذي يسعدني
دائما
حماك الباري جل علاه

**sweet nona** · 12-21-2011, 11:52 PM

ياعيني ياعيني اول مشاركة وكسكسي بالقديد طووول ياسلام انموت فيها الحاجة بالقديد...تسلم ايديك مع انه الصورة ماطلعتش لكن من الخط طلعت ريحة القديد ههههههههههههههههههههههه

**نسيبة** · 12-30-2011, 09:39 PM

اقتباس:
المشاركة الأصلية كتبت بواسطة sweet nona
ياعيني ياعيني اول مشاركة وكسكسي بالقديد طووول ياسلام انموت فيها الحاجة بالقديد...تسلم ايديك مع انه الصورة ماطلعتش لكن من الخط طلعت ريحة القديد ههههههههههههههههههههههه

الله يسلمك سويت كسكسي العادة
اختك نسيبة
زيك تمام القديد من الضروريات في الكوجينا
ان شاء الله تابعي الصورة الان
سعيدو بمروك حبيبة

**مغتربة 7** · 12-22-2011, 12:10 AM

تسلم الايادي حبيبة
بس خسارة الصورة ما طلعتش معاي

**نسيبة** · 12-30-2011, 09:40 PM

اقتباس:
المشاركة الأصلية كتبت بواسطة مغتربة 7
تسلم الايادي حبيبة
بس خسارة الصورة ما طلعتش معاي

الله يسلمك حبيبة
الان الصورة اتضحت اكثر
شكرا لك

**أم أيوب** · 12-22-2011, 01:02 AM

يسلمو ايديك نسوبة

بس اسمحيلي يا عسل ننقل موضوعك لقسم الأطباق االرئيسية الليبية

القسم هنا مخصص للأطباق العربية والعالمية

والكسيكسو بالقديد من مطبخنا الليبي الروعة

الموضوع: [كسكسي بالقديد] من مطبخ نسيبة

أدوات الموضوع

عرض

العرض المتطور

[كسكسي بالقديد] من مطبخ نسيبة

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة