السلام عليكم
اليوم جبتلكم أكلة قديمة ليا حوالي قريب عشرين سنة
وأني اندير فيها في حوشي و عيلتي تحبها هلبة
وخاصة مع طويسة شاهي سخينة في هالشتاء،
ودرتها السنة هذي بزيتون طيبت في الحوش،
وأكيد كل حوش ليبي يدروا في زيتون وهي
من أسبارنا الليبية في الكلات الزمنية ،
وهو بالفعل يطلع حتى خير من زيتون يلي
نشروا فيه ،،
حاجة الحوش ديمة فيها بنة و طعم زائد ..
و هذي الطريقة الخبزة الخضرة بالزيتون ،،
-كيلو دقيق (باكو دقيق)
-ظرف خميرة فورية
-اربع ملاعق حليب نيدوا مجفف
- ملعقة كبيرة كمون أخضر مدقوق
-أربعة ملاعق كبيرة زيت
-كوب لبن
-شوية ملح
-و مية ما تعجن لين تجي عجينة رطبة
-و نخليها لين تخمر ربع ساعة ،،
خلطة الخضرة ...
معدنوس و 4 روؤس بصل احضر ، كوب زيتون
نقرض الخضرة و نحطها في طاوة فيه قطيرة زيت
و نخليهم يذبلوا شوية و بعدين نضيفهم على العجينة
و نخلي العجينة لين ترتاح كويس ،
و بعدين نشكل الخبزة باي شكل يعجبك
و بعدها ندهن الخبزة بالحليب و نرش عليها الجلجلان ( السمسم )..
و هذا الشكل الخبزة بعد ما طابت
تأكلوا بالصحة و الهني
خبزة بعد ما طابت
خبيزة الخضرة الزيتون و صورة باين فيها فازو الزيتون و هو في مرحلة التطيب الأولي قاعد اخضر
طويسة شاهي سخين
المفضلات