[طلب] وجبات عشاء خفيفة

[خدوج]

السلام عليكم
حبيباتى فى المنتدى
نتمنى نلقى تجاوب بحيت نستفيدوكلنا
انى مشكلتى مع العشاء
شن بنطيب؟؟؟
مسألة الغداء سهلة ومفروغ منها
اما العشاء باعتبارمعظم الناس وجباتها خفيفة
فشن هو الخفيف
انى مرات ندير شكشوكة دحى
اوشكشوكة تن
ومرات فول والذى منه(جبنة وزيتون وووو
ومرات ندير بيتسا اوخبزة محشية
بس نحس فيه روتين
نبى حاجات تانية

ويلا اقتراحاتكم باش نستفيدوا كلنا

[أمـ ساره]

والله معاك حق وخيتي خدوج كلنا نبوا افكار جديدة

وعندي اقتراح انه انديروا زي المسابقة للوجبات الخفيفة حتى نستفيدوا منها

عندي شوية مواضيع نبي ننزلهم وهم بسيطات وسريعات فادوني هلبة لأني مثقلة وكنت تاعبة هلبة

لكن ما سخر الوقت لي ان شاء الله قريب انزلهم


وهذا موضوع نزلته من قبل وعجبني هلبة ان شاء الله يفيدك مبدئياً

[ وصفات منقولة ] وجبات سريعة للإفطار


ونستنوا في باقي الحبوبات ايفيدونا

[خدوج]

تسلمى ام سارة
ونستنى فى مواضيعك الخفيفة على احر من الجمر
وكفكرة عن مسابقة فى وجبات العشاء فكرة هايلة
ياريت تكون فى قسم المقبلات
مشكووووووووووووووووووووووورة

[خدوج]

وينكمممممممممممممممممممممممممممممممممممممممممممممم ممم
والا خلاص بطلتوا تتعشوا
نبى تفاعل ياحبيبات

[أمـ ساره]

خدوج وخيتي توا نعطيك طؤيقة تمشي بيها على الاقل لين يسخر لي ربي انزل موضوع


خوذي خضرة زي ما تحبي (( بطاطا جزر فلفل حلو بصل طماطم أخضر ولو تبي قرعة وباذنجان عادي ))

قطعيهم مكعبات وخلطيهم مع بعض في صونية وتبليهم بالزيت وشوية ملح

(( اني نضيف في كركم وزعتر وكليل وشوي فلفل أكحل )) ولو تبيه حار زيدي قلقل أحمر

وخلطيهم واطرحيهم في طاجين بعد ما تغلفيه بالقصدير

وبعد ما اطيب تقدري اديري بيها هلبة حاجات

اني نزيدها زيتون وشوية معدنوس ونعدل توابهلا واندير منها سلاطة

ومرات اندير بيها أقراص مقلية انضيفلها بيض وجبنة وزيتون ومعدنوس

ونقليها في الزيت بعد ما نعدل ليها الدباير (( اضيفي الي تحبي ))

ومرات اندير بيها البيتزا السريعة شوفي طريقة زوبة حلوة

أو كيكة حارة انديرها في قوالب الكب كيك

ومرات اندير بيها طبيخة زي الطباهج للتغميس

أو نطبخ مكرونة ونصبها فوقها بدل صلصة المفروم اتجي مش عادية

وتنفع أيضاً في السندويشات متاع الخبزة الي من غير تخمير زي طريقة زوبة

أو التورتيلا


أو ممكن اندير بيها طاجين مكرونة في الكوشة بس انزيدها شوي صلصة طماطم

وجبنة وزيتون والاعشاب الي تحبيها وبيض حتى تتماسك بيه



وان شاء الله نقدر انزل الصور بالشرح قريب اعذريني والله مثقلة وباخلة حبيبة

[خدوج]

ام سارة
مشكورة
افكار قنينة
يسلم ايدياتك
وطريقة زوبة جربتها ونزلت التطبيق مش عادية
ام سارة افكارك مميزة الله ينولك الى فى بالك
مشكورررررررررررررررررررررررررررررررررة

[أمـ ساره]

العفو خدوج وربي يبارك فيك على كلامك الحلو

وان شاء الله تفيدك الطرق


شوفي هالموضوع

[ الـدجـــاج بــ الخـضــــرة ] مـن مطبـخ أمـ ســـاره

[ام صهيب]

ايه على العشاء وقصته

انا اندير مرات فى برودوا والا همبورجه والا بيتزا والا شاورما والا قلايا اى شى سريع

[ام تغريد]

ما تفكرونيش جي وقت العشى وقاعدة نفكر فيه..تعبنا من المطبخ ومايجي منه في النهار انوضو ناشطين وما يجي الليل خلاص يوم خفيف ويوم مبكبكة ومرات مكرونة صالصة بالدجاج ومرات بالتن ومرات بالمفروم ومرات شوربة عدس وفاكهة تمش الحال
ملل روتين كل يوم

[أم أيوب]

مراحب حبوبات

أنا من عشاق حاجة القديد في العشاء فترة الشتاء

بس فترة الصيف نادر ما ندير عشاء لأنه ماهناكش نية للأكل

أغلب الوقت شرمولة مع دلاع وجبنة

أو كباية حليب وتمر