السلام عليكم ورحمة الله وبركاته
كيف حالكم جميعا
ان شاء الله مقبلاتنا مبطن كرنب بروكلي
اكيد معروف عند الاخوات وكل واحد بطريقته
طريقتنا ناخد الكرنب ونحطه في طنجره فيها شويه بزار وملح وفلفل اسود
وطبعا انخليه مش طايب هلبه ومش ني ونصفيه
تم ناخد مكونات الكيمه
الي هيا لحم مفروم وبصله وطماطم اخضر وفص تومه وشويه معدونوس مش هلبه
وملح وفلفل اسود وشويه بهارات
ونخليها علي النار
ونحاول اندخل الكيمه في البروكلي بعدا الشكل
وبعدين ياستي بالفهااي انغمسها بالبيض وخبزه مرحيه
وهدا بعد منقليه في زيت غزير وعلي نار عاليه
وهدا شكله من الداخل
وصحيحه علي قلوبكم
وان شاء الله يعجبكم
المفضلات