[دجاجة محشية بالأرز ] من مطبخ mnona

[mnona]

شنو حالكم وشنو أخباركم أن شا الله تمام التمام

هدي طريقة الدجاج المحمر والمحشي بطريقتي ( طبعا مش زي طريقة اختى أم ميوسة ) ماشا الله
عليها طريقتها الحق عجبتني ولكن تبي وسعة بال هلبا
وهذا موضوعها وخيتي الغالية أم ميوسة

http://www.libyan-kitchen.com/kitchen/showthread.php?t=2844
أول حاجة ناخدو الدجاج ونظفوها ( غير شوفوها كيف قريب تيبس من الصقع ياناري مابعدها )

وبعدها ناخدو طنجرة وتوضع فيها مية وتوابل ( زنجبيل / قرفة / فلفل اسود / ملح / تابل تونسي / بزار )

وضيفيلها راس بصل كبير مقطع نصفين وعصير ليمونة وورق الرند وفلفل أخضر يعطي نكهى قنينة ونخلوها لين تغلي

أه طبعا ماتنسوش اضيفوا خلطة الرز

طبعا اني هني حطيت فيها الدجاج نبيها تعطي نكهة للرز بس ومتخلوهاش تغلي هلبا دوبك مايتغير لونها بس

وبعد ماتاخد غلوتها

نجهز الرز ونطيبوه بالطريقة اللي تحبوها كل واحد زي مايبي

وطبعا تجهزي اللوز متاع باش لما يطيب الرز تخلطيه معاه

الرز لما قريب يطيب نضيفله الزبيب المغسول والمجفف كويس باش ياخد معاه غلوة عالنار ويطيب وبنته تجي قنينة

بعدها ناخدو ورق السلفر ( الالمونيوم ) ونحط فوقه الدجاج ونبدو نعبو فيها بالحشوة

من جميع الجهات ، طبعا لو تبي تحشيها بالرز المخلط بالكبدة زي ماتبي غير اني ( حاشى النعمة ) منحبهاش الكبدة مع الرز

ونلف عليها السلفر كويس كويس باش تنلم مع بعض

وبعدها نحطها في الفرن لين اطيب وزي ماتعرفو الدجاج مايبيش هلبا

وهدي صورتها لما طابت ، النتشة اللي في جنب زكريا ( ربي يحفظه ) يحب الدجاج

ومقدرش يصبر لين نصورها كاملة وانتم تعرفوا تعشيش الصغار لما يبوا الحاجة

وهدي هني مع شربة العدس السخينة ، هي اغسلوا ايدياتكم وتفضلوا معانا

[التا ئبه لله]

صحتين وهناء عليكم

تسلم ايديتك اختى

[ranaa]

مشكوووووور والله يعطيك الف عافيه

[مغتربة 7]

يسلام على الدجاجة المحشية صنتها فايحة
تهبل وتسهف عيوني بيطلعوا يامنونة
تسلم ايدياتك ياغالية
ايه حتى طريقة ام ميوسة تاخد العقل
ماشاء الله على بنات بلادي
احلى تقييم لعيونك

[ام صهيب]

سلم ايدياتك كيف بنحط ادجيجتى لكن دجادتك تاخد العقل

[mnona]

اقتباس:
المشاركة الأصلية كتبت بواسطة التا ئبه لله
صحتين وهناء عليكم

تسلم ايديتك اختى

[mnona]

اقتباس:
المشاركة الأصلية كتبت بواسطة ranaa
مشكوووووور والله يعطيك الف عافيه

[mnona]

اقتباس:
المشاركة الأصلية كتبت بواسطة مغتربة 7
يسلام على الدجاجة المحشية صنتها فايحة
تهبل وتسهف عيوني بيطلعوا يامنونة
تسلم ايدياتك ياغالية
ايه حتى طريقة ام ميوسة تاخد العقل
ماشاء الله على بنات بلادي
احلى تقييم لعيونك

[mnona]

اقتباس:
المشاركة الأصلية كتبت بواسطة ام صهيب
سلم ايدياتك كيف بنحط ادجيجتى لكن دجادتك تاخد العقل

هى نستنى فيها الدجاجة

[مسك الذهب]

سلم ايدياتك