[الطابونة]من مطبخ أم يمنى

[أم يمنى]

السلام عليكم

كل العام والجميع بخير

الطابونة

بالتفصيل يلى طلب طريقتها
المقادير :

العيار بكوب جبنة بوك 240ج

3أكواب دقيق
ملعقة خميرة

2 ملعقة زيت

ملعقة صغيرة ملح
كوب الا ربع مية

الطريقة :
بلا عجانة أعجنى عجينتك بايديك أحلى , وأعجنى وأعجنى وخليها تختمر ثلث ساعة .

أفردى العجينة غليظة شوية وبواسطة غطاء أو أى شئ مدور قصيها وخليها ثانى تخمر

, وأخبزيها بعد دهن الوجه بصفار بيض وجلجلان .

لما فزت بالمرتبة الثانية , جيتنى هدية جالكسى تاب وصورت فيه الجامع اللى يطل عليه شقتنا ودرته خلفية ,

بعد نضج الخبز تقدرى تحشيها بأى شئ تحبيه ,

ياساتر يابنات , وحمى جاى عالعصير الاخضر متع زمان كان تذكروا فيه ,ان شاء الله خير .

وبالهناء والشفاء.

[ام بيلسان]

مشاء الله تبارك الرحمن علي ايدياتك

[أم لينه]

تسلم الأيادي
ويعطيك الصحة على هالوصفة الرائعة
وبارك الله فيك على الوصف الدقيق
صحتين على قلوبكم
تقبلي مروري

[أمـ ساره]

ماشاء الله تبارك الله

خبيزة اتجي في الخاطر والله

سلم ايداتك الحلوة


وينقل للقسم المناسب

[حاملة الورد]

يسلموا إيديك شكلها حلوووا وطعمها أكيد أحلى

[mnona]

تسلم ايديك ماشا الله عليها الباين عليها بنتها قنينة وريحتها فايحة

معليشي سؤال في شن فزتي بالمرتبة الثانية ( تقصقيص ليبيات )

[مغتربة 7]

ماشاء الله عليك حبوبة
خبيزة اتجي فى الخاطر
منظرها مش عادي
تسلم الايادي وصحتين على قلوبكم
احلى تقييم لعيونك

[أم يمنى]

تى خيرك يامنونة , أفتحى عيونك وشوفى توقيعى , جهازى الاول خسارة انحرق انقلب عليه طاسة لبن , وقعدت نزن ونزن ع جهاز نين جى فى وقته , ومعاش تقصقصى خيرلك.


مشكورات ع الردود ,
حبيبتى مغتربة 7 مشكورة هلبة ع التقييم .

[الساجدة لله]

بارك الله فيك أختي ام يمنى وجزاك كل خير يارب

[بنت طبرق]

صحيتي ياغالية