السلام عليكم ورحمة الله وبركاته
شن اخباركم ان شا الله تكونوا في تمام الصحة والعافية
امس درت عشاي طباهج فقلت نشارك بيه معاكم وان شا لله يعجبكم ومع أنه مش اول وحدة انزل الموضوع هذا وكل واحد وطريقته
وهي تفضلوا نبدوا بالمقادير
بطاطا مغسولة ومقطعة دوائر / بذنجان دوائر / كوسا دوائر / طماطم اخضر / فلفل اخضر / ثومة / معدنوس
التوابل ( ملح حسب الرغبة / فلفل اسود / قرفة /كسبر وكروية ( مرحي ) / بزار على راس الكاشيك )
اول شئ تبدي بقلي البطاطا وبعدها الكوسا واخر شئ طبعا البذنجان باش يقعد زيتك نظيف
وبعد لا تقلي الجماعة كلهم اللي فوق تنقصي من كمية الزيت لو هلبا اللي في القلاية وكانه شوية خلاص خليه
وبعدها ضيفي الطماطم الاخضر والفلفل الاخضر والثومة للزيت اللي انتي كنتي قبل قالية فيه الخضرة لانه يعطي بنة مش عادية للصالصة وضيفي توابلك ، وخلي الصالصة تتدبل شوية وبعدها ضيفي خضرتك للقلاية
وبعدها ضيفي المعدنوس وحركي بالشوية بالشوية
وبعدين تاكلوه بالهني عليكم ان شا الله
وان شا الله يعجبكم يارب
كلوه وهو سخون
المفضلات