[حلى بارد ] من مطبخ mnona

[mnona]

السلام عليكم ورحمة الله وبركاته

تصدقوا والا متصدوقوش والله والله يابناويت حتى المرة هدي درت حاجة قنينة بنتها ولكن معرفتش شن نسميها
عموما ربي يخليكم ليا اني نحطلكم الاكلة وانتم عليكم الاسم الله غالب منعرفش نسمي
البركة فيكم ان شا الله
طبعا القصة ومافيها وشن صار درت طاجين باستا فلورا والحق جي بنته قنين ومن كثر ماهو جي بنته قنين كليت منه اني وتاج راسي وولدي لين عيينا واني عاد مانحكيلكمش مش مكثرة ( الله غالب طاجيني كبير متاع عيلة ) المهم قعدت هديكة الباستا فلورا في الطاجين واني كل يوم نشبحلها ومتحسرة عليها ماهى يبست ( ) واني الحق وجعتني ولانه بنتها تجنن قلت والله ماني حاطتها مع الخبزة اليابسة
المهم عارفة طولت عليكم بالدوة ولكن الله غالب هذا للي صار
ياحنة قعدت نفكر ونفكر لين جتني الفكرة الجهنمية وقلت كيف ماتطلع بنتها تطلع
وتبوا الحق يابناويت جت بنتها تجنن مش عادية وخاصة بنة المربى معاها منحكيلكمش

خديت قصيت الجزء الاخير من الباستا ونقعته بالنسكافيه والحليب لين قريب تحلل

المهم وبعدها طيبت كستاردة بيضاء وحطيتها فوقها وحطيت فوقها لوز وبندق مبشور وجيت للطبقة الفوقية للباستا ونقعتها بعصير اللوز وستفتها فوق الكستاردة واللوز وزدت فوقهم كريمة البندق اطيب زي الكستاردة ورشيت لوز وبندق ثاني عليهم وزبيب

وبعدها خلاص ضفت عليهم طبقة اخيرة كريمة فراولة ماهو المربى اللي فوق الباستا فراولة وزينتها باللوز والزبيب

والحق الحق جت بنتها تهبل ومش عادية وخاصة بنة النسكافيه والمربى فيها

وهى تعالوا شوفوها

هدي الصورة علي جنب

وهدي من فوق وان شا الله تكون واضحة وتعجبكم ياحلوات

[ام ساره وعبدالعزيز]

سميهاالاختراع الساحق ههههههههه

يسلم ايديتك وتعيشى وتخترعي

[مغتربة 7]

ماشاء الله عليك يامنونة والله شاطرة
اخترعتي حلو يهبل وما لوحتيش النعمة
منظرها ياخد العقل واكيد الطعمة روعة
تسلم الايادي الى تلتف بالحرير
احلى تقييم لعيونك

[خدوج]

تسلم الايادى منونة

[الساجدة لله]

بارك الله فيك أختي منونة وجزاك كل خير يارب

[الساجدة لله]

منونا ياغالية ياريت تكتبي حتى مقاديرمك متع الباستا فلورا والاختراع هذا سميه باستافلورا الكاستر او البندق

[المظلومة]

بارك الله فيك وتسلم الايادي سميها الاكلة متقولشي لحد

[امتنان]

يسلمو الايادي روعة

[mnona]

اقتباس:
المشاركة الأصلية كتبت بواسطة ام ساره وعبدالعزيز
سميهاالاختراع الساحق ههههههههه

يسلم ايديتك وتعيشى وتخترعي

الله يسلمك ومشكورة على مرورك الكريم

لا لا هلبة عليها الاختراق الساحق ولكن الحق بنتها تستاهل

[mnona]

اقتباس:
المشاركة الأصلية كتبت بواسطة مغتربة 7
ماشاء الله عليك يامنونة والله شاطرة
اخترعتي حلو يهبل وما لوحتيش النعمة
منظرها ياخد العقل واكيد الطعمة روعة
تسلم الايادي الى تلتف بالحرير
احلى تقييم لعيونك

يسلموووووووووووووووووووووووووووووا على الكلام الحلو اللي اخجل تواضعي