الله يا ام يوبيي ماشاءالله عليك وعلي الشباب ههههه مش ابروحك
الصراحه اول مره نسمع بيها والله شكلها تهبل ربي يرجعني للبلاد وندلعو بيها في مصراته هههه متروده شرقاويه
يعطييييك الصحه وماشاءالله عليك وعلي يدياتك
علي فكره قبل مانقرا المقادير مشيت نجري للصور عشان نشبح السنفور لكن خسارته ملقيتاش هههه لازم تحطيه في وصفه اخري وربي يحفظهلك ان شاءالله
تحياتي
كتبت وقد ايقنت يوم كتابتي..
بأن يدي تفنى ويبقى كتابها..
فإن كتبت خيرا ستجزى بمثله..
وإن كتبت شرا عليها حسابها..
يسلمن الايادي... نحن في الشرق مثرودة المرق او المثرودة الحلوة لا يعلا عليهن..
وبصدق راهي الذ من المورقة احلى بواجد..
وفي ناس واجد يحسابو المورقة هي نفسها المثرودة
لكن الفرق موجود والمثرودة فيها جو مش عادي خااصة في الزردة:d
اللهم اعنا على ذكرك و شكرك و حسن عبادتك..
رويحة صار زرتي البيضاء من قبل
دابكم تحبوها ديروها مرة تانية الزيارة بس هالمرة تجونا عندنا ونديرها انا واياك المثرودة
فعلا ناس البيضاء كرماء ومضيافين الحق واحسن ضيافتهم هي المثرودة باللحم
نراجو منكم في زيارة ونحكيلك جديات راني تعالولنا في الصيف وندهوروكم على مكانات تانيات
نورتي يا سمحة
أكيد مافي احلى من مثرودة الشرق وفي واجد ناس يحسابو المورقة هي المثرودة
الحق انا اهلي من بنغازي ونقولوا عالمورقة مثرودة
مثرودة الجبل ماعرفتهاش الا لما تزوجت في البيضاء ودقتها
ومن يومها نسيت المورقة
فعلا ما تحلاش الا في الزردة
نحن مانديروش فيها الا في المزرعة وين ما حاطين التنور
نورتي بمرورك وردك دانية
سلمت يداك
علي قد مانسمع عليها جت في خاطري لكن نفس الشئ منقدرش انديرها بسبب التنور منين بنلقاه ياخساره
تضحكي كان انقولك كم مره فتحت صفحتك ومخزنتها لين يحن ربي
بارك الله فيك
امـ ايوب هي وتيلي مثرودة بكل أنواعها اني جاياتك توا
ماشاء الله حبوبة مثرودة تجي في الخاطر وتأخذ العقل معاها
تعرفي واني نتبع في السرد وبعد ما وصلت للصونية وتزينها قلت وين مشي اللحم
لكن ماشاء الله عليك درتيها سفيرة مقومة وتقييم القلب
سلمت ايدياتك وايديات الشنبير واحلى تقيييييم لمك وللمثرودة الحلوة
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
الذين يشاهدون الموضوع الآن: 1 (0 من الأعضاء و 1 زائر)
المفضلات