[ الدرس الأول في تعلم الفوتوشوب ] كيفية الكتابة على الصورة مع اطار بسيط

[مغتربة 7]

تسلمي حبيبتي ليبو
فى انتظار الدرس على احر من جمر
ولعلمك يا غالية انت اول وحدة نتعلم على ايديها البرنامج هذا
ربي يكتبلك الاجر يارب

[ليبية]

ام عموري بالصحة وطولت العمر عليه

ويلا يا غالية شدي حيلك نبي التصميم قبل الدرس التاني

مغتربة ان شاء الله بالفايدة عليك يا غالية والله فرحيتيني الله يفرح قلبك

[نسيبة]

بارك الله فيك و جزاك خيرا غالية

[Om Amory]

هدا تطبيقى ومن راسى راه ههههه والله مانقلت من وحده ياأبله

وطبعا عالسريع شطوره انى ولالا ؟؟هههههههههه

[ليبية]

حبيبتي نسيبة وفيك بارك الله يلا شاركينا وورينا تصميمك يا حلوة

ام عموري لا ماعندي مانقول فيك روعة التصميم واختيار اللون موفقة فيه جدا
ماشاء الله عليك

[الساجدة لله]

حبيبة درت كل الخطوات بس مش عارفة لما نبي نحفظها save for web مش طالعتلي يعني في شئ غلط مش عارفة شن هو

[ليبية]

سجودة ماديريش save for web

ديري save as



وبعدين اختاري نوع الصورة اما GIF او jpeg

[الساجدة لله]

اقتباس:
المشاركة الأصلية كتبت بواسطة ليبية
سجودة ماديريش save for web

ديري save as



وبعدين اختاري نوع الصورة اما GIF او jpeg

باهي ليبو عارفة في الحفظ مانحفظهاش بها بس انا نبي نعرف ليش مش طالعتلي مظللة تطلع مش باينة يعني مش ممكن نستعمل الخاصية هده ؟

[ليبية]

سجودة حبيبة شن هي اللي مش طالعلتك؟

[الساجدة لله]

save for web هي اللي مش طالعتلي