شنو الغدا اليوم؟

[أمـ ساره]

والله حتى اني قاعدة نفكر في الغذاء محتارة

ممكن اندير مكرونة صالصة بالدجاج أو شاورما



وفكرة العشاء عجبتني هلبة لأن مرات ما اندير غذاء

فلازم اندير عشاء

يالا كل وحدة تقترح غذاها وعشاها ان شاء الله حتى لو كان خفيف

[نسمه ليبيه]

واخيرا قررت غدايا
رز بالتقليه وفتوش

وان شاء الله نصوره ونوريهلكم

[روح مغتربه]

نسمه بعتتلك علي الخاص الصندوق امعبا
العجينه زدتها ربع طاسه حليب ولت كويسه
والحمد لله الي انت قاعده راهو راحت فيها
بارك الله فيك علي الاهتمام

[أم لينه]

السلام عليكم ورحمة الله وبركاته
مساء الخيرات والحب والسعادة
حبيت انقوللكم على فطورنا اليوم بإذن الله
شربه عربية وكيكة الدجاج وطاجين طبقات البطاط وبيتسا
راهو أنا فطوري واتي من قبل الظهر
هكي تعودت في حوشنا ونفس الشي مطبقاته في حوشي باش ايصير مايصير مايقعدش الراجل من غير ماكله

[ام صهيب]

صحة صحة والله كل يوم بتخميمة وكله كوم والعشاء كوم انا بين بيتزا وهمبورجا وشاورما وبرودو

الغداء اليوم دجاجة محشيى بالرز توا انصورها وانزلها
سلام

[نسمه ليبيه]

السلام عليكم ورحمة الله وبركاته
مساء الخيرات والحب والسعادة
حبيت انقوللكم على فطورنا اليوم بإذن الله
شربه عربية وكيكة الدجاج وطاجين طبقات البطاط وبيتسا
راهو أنا فطوري واتي من قبل الظهر
هكي تعودت في حوشنا ونفس الشي مطبقاته في حوشي باش ايصير مايصير مايقعدش الراجل من غير ماكله

ماشاء الله قصدك انت صايمه؟؟
والفطور واتى من قبل الظهر معناها انت تنوضى الساعه كم؟ وباقى الحوش امتى تلمى فيه؟


وصحتين على قلوبكم

[نسمه ليبيه]

روح الرسائل مابوش ينحذفوا عندى من صندوق الوارد

[أم أبرار]

ماشأالله على غدياتكم وعشياتكم
وأني فطوري مكرونه وبتسا ملفوفه طبقت بتسا زهورة الامورة وفول مدمس

[ام تغريد]

منورين بافكاركم وغداواتكم

وصحتين عليكم

واني اليوم غداي علي السمك مقلي مع البطاطا والفلفل

وطبيخة سمك ومخلل وهذه الصفيرة

[روح مغتربه]

ام تغريد ماشاء الله صفره تشهي صحتين عليكم
خاطري في سمك بس للاسف في سبها نادر ما نحصلو سمك طازه بس خطرتي عليه عمتي في طرابلس توا انقوللها اتجيب امعها لانها غالي عليها
وبنسبه لغدايه كسكسي وسلاطه والعشاء قبل بندر شاورما بس صار ضرف ومشيت لحوش اهلي وتعشينا عصيده بالرب وزيت الزيتون من ايدين اختي
وبكره ايدير الله طريق علي قولت العزايز