يمي يمي
يمي يمي
الموضوع حلوووواني زايكم نفكر من اليل او علي الفطور زوجي يقولي ديري جدول كل
يوم حاجه وترتاحي انداير جدول ويومين ويتغير مرات الوجبة اللي في الجدول
معنديش حاجاتها نطر نغير
المهم غدي امس بيتزا وطبيخة واليوم لسه مفكرتش عندي توا صبح بس ممكن مكرونه
يعطيك الف عافيه علي الموضوع
فكرة حلوة كل وحدة تقول شني غداها
عندي مشكلة في الغداء وهو راجلي مستحيل يقولك نبي الأكلة الفلانية
كل ما نسأله شن الغداء يقولي شرمولة ةدحي
قعدت من الليل نفكر شني ندير عشان ما نحتارش
اليوم غدايا سندويتشات مفروم بالدحي من مطعم
راجلي متغدي بازين عند صاحبه وانا جاني خاطر في المفروم بالدحي
بكرة ان شاء الله غدايا في حوش عمي
أكيد حاجة مبوخة (( مسقية )) يااما بازين هكي متعودين الجمعة
موضوع رائع
وانا كمان الحيرة يوميا في شنو الغدا
اليوم صايمة درت شربة وفطيرة باللحمة المفروم وبوريك بطاطا وسلطة
وبكرة الجمعة اكيد حاجة مسقية
اقتباسالمشاركة الأصلية كتبت بواسطة امتنانموضوع رائع
وانا كمان الحيرة يوميا في شنو الغدا
اليوم صايمة درت شربة وفطيرة باللحمة المفروم وبوريك بطاطا وسلطة
وبكرة الجمعة اكيد حاجة مسقية
امتنان ياريت اديريلنا بوريك البطاطا والفطيرة باللحم المفروم جت في خاطري هههههههههه
وفعلا الغداء هدا ازمة للجميع وتخافي من التكرار الاكلات من ان الصغار يملو او زوجك يقلق , اما الغداء اليوم كان بازين وانا كليت منه لين قريب طلع من عيوني الاتنيين هههههههههههههههههههههههههه
مشكورة ام ساره وعبدالعزيز على الموضوع
انا ام ايوب نفس قصتك نقعد محتاره شن ندير ونقول ياريت هو يريحنى ويقولى على الغدا شنو نديره
لكن انا مشكلتى فى بنتى لوجى ماتكلش الوجبات الليبيه الدسمه لا تحب المعجنات والموالح بس وهذوم طبعا مش كل يوم ندير فيهم
اليوم غدايا رز مبوخ
انتوا كلكم نفس المشكلة
ياريت يا بنات اى وحدة عندها اكل جديدة تكتبها علشان الكل يستفيد
ووين الغدا هههههههه
بانتظار الوصفة
الذين يشاهدون الموضوع الآن: 1 (0 من الأعضاء و 1 زائر)
المفضلات