شنو الغدا اليوم؟

[حبيبتهم]

اهلا بالجميع

ام ميرال نزاي طريقتها الخبزة في موضوع بروحها اكيد اللي ماعندهاش تنور تستفيد من طريقتك
الغدي مازال مافكرتش فيه احتمال مكرونة واحتمال مافيش غدي اليوم

[luba]

ام ميرال ماشاء الله وحطي فيها فحمه مع زيت تبقي من التنور طول اراجي في طريقتها في موضوع بروحها صحة غداكم انت وحبيبته غداي مازاااال وماشاء الله عليها اسماء ماقالت انزل حويجه للبنات من غداها زي السمك في طنجرة البوريديم وشنو هو سمك مقدد زعم انراجو فيك حتي انت ها مش تفوتني

[om_adnan]

اهلين يابنات مش عارفه شنو اندير غدانا اليوم,بنتى جايبه معاها صاحباتها اتنين,قالت ما يحبوش اللحم,فكرت اندير شربة عدس,بوريك بالسبانخ,بيتسا,سندوتش تن وزعمه فيه حد يقترح شنو الوجبه الرئيسيه؟,ممكن اندير لازانيا بس كل طرف انلفه بروحه,شنو رايكم؟
تعالى هنا ام ميرال ...شنو قصة الخبزه وكيف ما قالت لوبا..نحن فى الانتظار.

[حبيبتهم]

السلام عليكم

ام عدنان الوجبة الرئيسة بدون لحوم تقدري اتديري كيف ماقلتي لازانيا بالخضروات او مكرونة بصلصة الطماطم والريحان نفس اللي امدايرتها لوبا
او ارز بالخضروات المقلية شفته امنزلاته ام سارة تقريبا
وماتنسيش صوريلنا اللي بتديريه

[ام هيمو]

السلام عليكم
كيف حالكن
انا اليوم غدايا
طاجين بطاطا و رز ابيض :::::::

[ام ميرال]

امممممممممممم قصة الخبزة اني خاطري فيها ونتوحم عليها قلت ليش ما نجربها في الكوشة فدرتها وشفتو النتيجة فحمتها يا لوبا وكليتها مع فاصوليا حارة بالكرشة يمي يمي وخلاصمع ان ما فيها اي حاجة جديدة, بس نزولا عند رغباتكم حنزلها في موضوع بروحها وغدايا اليوم رز مبوخ

[ام ساره وعبدالعزيز]

هيا يابنات ياكسلانات نبدوا من جديد في سريب الغدا ونا اول وحدة

بكرة غدايي............... عند اختى

[المصراتيه]

صحتين ام ساره وعزو وخبرينا شن بديرلك اختك الغدي

غدايا سلطه بالجمبري

[ام ساره وعبدالعزيز]

مساء الخير نا من بدرى شوي كيف روحت غيرت جوي وتكسيدة تهبل والله الخيات مافي كيفن
غدانا كان طاجين دجاج ومحشي ودرني شوى رز للعويلتنا وسلطة وتعشينا خفيف
المصراتية سلطة بس

[رميساء]

السلام عليكم اليوم عملت ارز مبوخ