شنو الغدا اليوم؟

**ميرولاكى** · 12-11-2012, 05:51 PM

السلام عليكم ورحمة الله وبركاته
طبعا انا ديمه واصله متأخره هههههههههههههههه
اليوم بس ركزت على الصفحه وفتحتها وقعدت نقلب فيها ونقصقص على الغداوات والعشاوات اللى يشهن
بجد روووووووووووووعه عجبتنى بس ليش مهجوره ؟؟؟؟؟؟؟؟؟
انا نحاول انشطكم من جديد
غدايا امس كان رز بالمفروم والريحان
واليوم سباجيتى بالصلصه
رز بحبق.jpg
هذى صورة الرز بالريحان امس ماصورتش بس عندى صورته من قبل فى الجهاز حبيت تشوفوه

**مغتربة 7** · 12-11-2012, 07:28 PM

ياعيني ياميرو رزيزة تهبببببببببببببل
بس تعالي جاي قوليلي الطريقة

امس درت ظولمة وشربة

واليوم ماااااااازال

**ميرولاكى** · 12-11-2012, 07:48 PM

صحتين مغتربه
وطريقة الرز
اول شى المفروم
تحطى قطرات زيت فى طنجره وتحطى عليها المفروم على طول وتوطى النار وتبدى تجهزى 3 بصلات شرائح كانك اديرى فى بصله طبعا لكل 2 كوب رز 3بصلات متوسطات المهم تضيفى البصل على المفروم وماتخلطيهنش خلى البصل لحد مايذبل وينزل ميته على المفروم وبعدين بعد ربع او تلت ساعه خلطيهن مع بعضهن وضيفى ملح وفلفل اكحل فقط ولو حسيتيه محتاج ميه ضيفى شووووووووويه ولما يطيب خلاص نضيفله علبة بازيلاء وكمية ريحان (حبق مجفف) حوالى ملعقتين كبار وتخليه 5 دقايق وتطفى عليه
اما الرز عادى جدا بالمرق اما مرق لحم او مرق دجاج وتكونى ضايفه للمرق البهارات اللى تحبيها..
جربيه بجد رووووووووووعه وطعمته خيال وان شاء الله شرحى واضح

**ميرولاكى** · 12-13-2012, 06:41 PM

وينكــــــــــــــــــــــــــــــم
انا اليوم رشده مبكبكه
بس وينكم يابنات وين رحتو؟؟؟؟؟؟؟؟؟؟؟؟؟؟؟؟؟؟؟؟؟؟
معش اطيبن ؟؟؟؟؟؟؟؟؟؟؟

**sweet nona** · 12-13-2012, 07:55 PM

ممممممممم ياميرولاكى رز ولا احلى من هكى

ونشطينا الصفحة والله كلهم ايطيبو غير مايبوش اورونا هههههه

واولهم انى ههه

تسلمى وصحة وهنا

**ميرولاكى** · 12-13-2012, 10:41 PM

الله يسلمك سويت
بس برضو خشيتى وماقلتيش شن كان غداك؟؟؟؟؟؟؟؟
اهى اهى اهى

**sweet nona** · 12-14-2012, 12:44 AM

ههه ماتبكى خلاص ميرولاكى.. غدانا اليوم ياحلوة

كسكسى بالقديد

هيا وين الباقيات الفالحات مانبو صور غير خل نهدرزو ونعرفو شن مطيبات؟؟؟؟؟؟؟؟؟؟؟

**ميرولاكى** · 12-14-2012, 07:04 PM

السلام عليكم يامكسداااااااااااااااات
بما ان اليوم جمعه درت كسكسو بالخضره
وصحتين الكسكسكو ياسويت والبنات مزالن يدسن فى غدواتهن

**أمـ ساره** · 12-14-2012, 08:12 PM

السلام عليكم والرحمة

وسعووووووووووووووووووووووا

أمـ ساره جتكم ومثقلة مش من الحمل بس

لكن من الرشيدة المبكبكة ووراها طويسة امية

ما نحكيلكم لين طلعت من خشومي من كثر ما خاطري فيها

اني في الاصل بنديرها غذاء لكن نضت متأخرة ومتنبلة فجهزت مع المغرب بالضبط

وصحيحة ما كليتوا يا بنات

**ميرولاكى** · 12-15-2012, 09:57 AM

وعليكم السلام ام ساره
صحـــــــــــــــــــــه صحـــــــــــــــــــــــه الرشيده
اما انا اليوم زوجى مسافر اكيد خفيف او سندوتشات انا وبنتى

الموضوع: شنو الغدا اليوم؟

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة