[مشاركة في ملف البيتزا] بيتزا مطبقة من مطبخ bent libya

**bent libya** · 01-12-2012, 09:20 AM

بسم الله الرحمن الرحيم

حبيت انشارك معاكم في نوع من البيتزا وهي البيتزا المطبقة من مطبخي
وهي من احد المعجنات الي زوجي يحبها مووووووووووووووت

هاي تعالو معاي للمقادير والطريقة

عجينتي هي عجينة 10 دقايق والله هده العجينة اني معتمدتها في البيتزا ليا سنتين
وماشيا معاي 100/100
المقدار الاول

كوب ماء دافي+كوب دقيق+2/1 ملعقة ص خميرة بيرة+ذرة ملح وذرة سكر وتخليهم 10 دقايق

المقدار التاني

4/1 كوب زيت+ من كوب الي كوبين دقيق معاه شوية B.B

بعد 10 دقايق للمقدار الاول ضيفي المقدار الثاني وتعجن جيدا حتي تتماسك وتغطي وتترك لحد ماجهزتي الحشو

يلا بينا انوتو الحشو

زي ماتحبي لاكن اتي حطيت مكونات البيتسا فقط والي هي [صالصة بيتسا+بصل جوانح ومحمساته في شوية زيت +وفلفل حاروحلو مقطع دوائر+زيتون احمر واخضر +وفطر وجبنة حمراء اني نستخدم في الجبنة الحمراء لان زوجي يبيها هي وبس الله غالب شن بندير لازم انرضيه +وطبعا رشة زعتر ورشة اكليل

الطريقة مع الصور

هذه العجينة

نمدهاكويس باليد في طاجين الكوشة بس مش رقيقة هلبا ومش غليظة

وبعدين ندهنها بالصالصة نصف العجينة ونحط جميع مكونات الحشو

وبعدين انطبقها نجيب الجزء الفاضي ونطبقه ونضغط علي الجناب كويس

وندهنها بالحليب ونثقبها بعود اسنان باش ماتتفجرش

ونزينوها كيف ماتحبيو

وتخليها ترتاح بس 5 دقايق وبعدين طوالي للفرن

طبعا كان انقوللكم شن صار في وقتها علي قد ماني فرحانة بيها وكيف دخلتها للفرن تم عليا الغاز وهرب الضي باش تعرفو الحظ ومالاقيتش حل الا اني انطيبها علي غاز الشاهي وقعدت نقلب فيا بالشوي بالشوي لين طابت وطلعت بصراحة روعة روعة روعة

وصحتين وعافية وسامحوني كاني عطلت وطولت عليكم

وسلاماتي للكل

**فضااوي** · 01-12-2012, 09:32 AM

ماشاء الله

رووووعة

تسلم الايااادي يالغلا

**ام عبدالمعز** · 01-12-2012, 11:31 AM

يسلمو ايديك بنت ليبيا

بيتزا مطبقة ولااحلي

صحتين وعافية يارب

وبانتظار المزيد من ابداعاتك معنا بالركن

**أم ميوسة** · 01-12-2012, 12:28 PM

بيتزا رائعة بنت ليبيا

تسلموا ايدياتك

وصحتين

**الساجدة لله** · 01-12-2012, 06:32 PM

ماشاء الله لاقوة الابالله حبيبة بيتزا تهبــــــــــــــل

**مغتربة 7** · 01-12-2012, 07:08 PM

يسلالالالالالالالالالام على بنت ليبيا وابداعاتها
بيتزا تسهفففففف واتجي فى الخاطر
وفكرة التطبيق روووووووووعة
راح انطبقها بإذن الله
تسلم الايادي ياعسل
فى انتظار المزيد
احلى تقييم لعيونك