[تطبيق]اللازانيا المنزلية بالبشاميل للغالية ام ميوسة من مطبخ مغتربة 7

[مغتربة 7]

السلام عليكم ورحمة الله وبركااااااته

امس الغالية ام ميوسة نزلت موضوع اللازانيا واني عيوني قريب يطلعوا واليوم من الصبح قررت انديرها لاني تهلوست بيها وبالفعل طبقتها وطلعت تهبل طعمتها مش عادية هيا اكيد مش زي متع ام ميوسة لكن الطعمة مش عادية وراح انديرها ديمة
درتها بنفس المقدار من غير تغير فى ولا حاجة الا الطاجين كان مش بايركس لان متاعي كان عند صديقتي واني ننصحكم اتجربوها مش راح تندموا.
المهم نخليكم مع التطبيق

هذا رابط موضوع ام ميوسة

http://www.libyan-kitchen.com/kitche...ead.php?t=3559

وهذا تطبيقي

























يارب يكون عجبكم التطبيق
دمتم بخير

[خدوج]

ماشاء الله ماشاء الله
ماشاء الله عليك يافالحة
ياريتك جارتى
كان جيت تغديت(طماعة)
يسلم ايدياتك وايدياتك ام ميوسة
والله حتى انى ذهبتلى شيرتى
مش عادية تهبل
وان شاء الله نطبقها فى اقرب فرصة
واحلى تقييم

[خدوج]

هذه الرعايش اللى تقول عليها سجودة
والله عندك الحق سجودة
وحرام عليك يامغتربة رعايش فى اخر الليل
خلتنى نلف ونرجع نتعذب
وربى يصبرنى
خلى نرقد احسن بالكى نشوفها فى الحلم ونلقى سجودة ونعزمها عالرعاييييييييييييييييييييييش
وناكل منها سخونة انى وياها
هيا تصبحى على خير

[مغتربة 7]

ههههههههههههههههههههههه
الله يسعدك ياخدوج انت وردودك العسل ضحكتيني اضحك الله سنك
تعرفي اني امس لما شوفتها عيوني حوالوا وقلت والله ما صايرتها الما انطبقها بش نرتاح
والله جت زي العسل والصراحة اول مرة اندير العجينة متعها وجت رووووووووعة
هيا طبقي خلينا نشوفوا ابداعاتك
اسعدني مرورك وتعطيرك لصفحتي

[امتنان]

امممممممممممم غروبة نموت عليها بس راجلي مايحبها لكن ان
شاء الله بنطبقها هاليومين
يعيطيك الصحة تشهي الصراحة ويسلمو ايدين ام ميوسة

[الساجدة لله]

الله الله قنبلة الموسم تررررررر ترا كانك تقري في افكاري ياغوغو ههههههههههههه على راي ام سجو

ياريتني جارتك راهو عطيتك البايركس ودرتلك زي مسمار جحي ههههههههههه اي جحا كل دقيقة نجيك ونقولك الطاجين حامل ونطمن عليه وكل مانخش نقصقص وكان لقيتك موتيتيه بنقولك الباب تسكر عليا وماعنديش مفتاح بش ناكل منها ههههههههههههههه

[الساجدة لله]

اقتباسالمشاركة الأصلية كتبت بواسطة خدوجهذه الرعايش اللى تقول عليها سجودة
والله عندك الحق سجودة
وحرام عليك يامغتربة رعايش فى اخر الليل
خلتنى نلف ونرجع نتعذب
وربى يصبرنى
خلى نرقد احسن بالكى نشوفها فى الحلم ونلقى سجودة ونعزمها عالرعاييييييييييييييييييييييش
وناكل منها سخونة انى وياها
هيا تصبحى على خير

ريتي ريتي يادوجي شن نعاني من رعايش راهو حااااااالة هدا اللي صايرلي من وراكم ومن وراء المطبخ

واحلمي احلمي بالك نضوقها حق بس كتري الجبنة ومن غير فلفل اكحل ديريها بالاحمر والطاجين يكون متع بايركس فردي يعني انت بروحك وانا بروحي ههههههههههههههه ايوه لاتاكلي مني لا تجي جنبي هههههههههههههه نبصر خدوج راك تزعلي وبالله عليك احلمي وكوني سخية في الحلم يعني مش طويجين واحد لالا اكتر عقبال ماتخش اي وحدة تانية واديره بالحق وتعزمنا هههههههههههههههههههههههههه

[أم يمنى]

ما شاء الله عليك , تطبيق حلو ويستحق التقييم.

[نسمه ليبيه]

يسلموا ايديك شجعتينا على تجربتها

[أم ميوسة]

اشي اشي شن هالنشاطة هادي

عالسريع مغتربة ما شاء الله للكوجينة طول

تسلم ايدياتك على اللازانيا وعالنشاطة

تعرفي انا ديمة نقول بندير الحاجة ونديرها بعد فترة

كان تشوفي قداش جهازي معبي بالوصفات اللي بنطبقها

واهم شئ عندي انها عجباتك الحمد لله

سلمها يا ربي وسلم صاحباتها

تطبيق رائع زيك مغتربة ان شاء الله ما ننحرموش منك ومن طلتك معانا في المنتدى