طلب عاجل للجميع

[أم لينه]

السلام عليكم

مساء الخيرات و الحب و السعاده

كيف الحال حبوبات يارب تكونوا بخير وصحه وسلامه

نطلب من جميع الأخوات إن كل وحده تكتبلي طريقتها في الهريسه العربيه

[نسمه ليبيه]

غاليه والطلب رخيص


انا طريقتى نعطى الفلفل الاحمر غليه وحده فى الميه

وبعدها نحطه فى ست البيت مع ثوم وليمون وملح وزنننننننننننننننننننننننن وبس



وفى طريقه ثانيه لو ماتبيهش حاره انك تسلقى القرع وتضربيه مع الفلفل
وهذى طريقتى
واكيد الاخوات مايقصروش

[روعـة]

وعليكم السلام

والله طريقتي غير شكل اني في بلاد الغربه قليل منحصل فلفل احمر وكان نحصل مش حار زي الخيار لكن ألقيت فكره احسن القيت في المحلات فلفل احمر حااار ويابس

ناخد فلفل نغسله ونرحيه في ست البيت او الخلاط نرحيه بشويه ونصب عليه

اقل من ربع كوب ميه علي الفلفل مش

يرتحه والله يطلع نفس الشي نكمل الفلفل وبعدين نرحي راس بصل وتوم

ونصب الفلفل والتوم والبصل في طنجره ونخلطهم مع بعض

ونصب عليهم ملح حسب الكميه الفلفل وشويه كرويه وزيت ونخلطهم

وتخليهم ربع ساعه علي النار وكل شويه نحرك لين تنشف الميه وتبدا ادير في فرقعات ورد بالك تشيط هههه

وخليها تبرد وصبيها في حفاطات وصبي علي كل وحده شويه زيت قبل تسكري الحفاطه

والف صحه

وكان تبي طريقه متع الفلفل العادي نفس الشي ارحي الفلفل في ست البيت من غير ميه

وارحي تؤم وبصل وطيبيها زي ألطريقه الاوله

وفي اللي يصب عليها في طماطم معجون اني منحباش الطماطم يخلي فيها مش حاره

وان شاء الله البنات يزيدو يسعدوك

سلام

[أم لينه]

صباح الخيرات حبوبات

بارك الله فيكم أخواتي وتسلم إيدياتكم نسمه و روعه

ونستنى في باقي الأخوات

[الساجدة لله]

[الهريسة الليبية] من مطبخ الساجدة لله

[الهريسة] من مطبخ زهورة

[اللوسة] من مطبخ طمطم

[ اللوسة ] من مطبخ روح مغتربه

تفضلي ياقمر باانتظار تفاعل باقي العضوات

[أم لينه]

بارك الله فيك حبيبتي سجوده
تسلم الأيادي
ونستنى في باقي الأخوات

ضروري جدددددددددااااااااااااااا

[الساجدة لله]

اختى ام لينة هده طريقة اغلب الليبيات في اعداد الهريسة وفي من اللي يبوخ الفلفل بعدين يقشره وبعدين يرحيه ويطيبه وفي اللي ايجففه ويرحيه وبعدين ايطيبه وفي اللي يغليه شوية وبعدين يرحيه وبعدين ايطيبه بس هده اغلب الوصفات المستعملة في مطبخنا الليبي , مش عارفة هل انت عندك وصفة في بالك وتبي تتاكدي منها او عندك فكرة في بالك وتبي اطبقيه ياريت اتقولينا خلي انقلو منك ههههههه

[أم لينه]

بارك الله فيك أختي ساجده
أنا حامل ونتوحم على الهريسة نبي طرق مختلفة للهريسه نبي انجربهم كلهم كلهم
نستنى في باقي الأخوات

[ام بوفة]

حيه عليك وحيه

هريسة مرة وحدة وحامل اخرى

الحموضة وين؟خخخخخخخخخخخخ

اعتقد الامهات جابو كل الطرق المعروفة كان هكي كولي الفلفل الاحمر هكي زي ماهو وخلاص بالك يمسح كبدك


ان شاء الله بسلامتك

[أم أبرار]

[justify]هي تفضلي هريستي

نضف الفلفل ونطحنه بالمفرمه متاع اللحم ونحطه في طنجره ع النار مع الزيت ونقلبه ثم نضيف له طماطم حكه اي صلصه على حسب درجة الحر ونضيف ملح مع التقليب بيش ماتشيط وبعد ين نضيف ثوم مفروم ونزلها من النار ونضيف كمون وكسبر مطحون ممكن نخلط الطماطم صلصه مع أخضر مطحون[/justify]