سؤال الى الاخت زينب والى اي اخت عن قشور البرتقال المعسلة

[زهرة البنفسج]

السلام عليكم ورحمة الله وبركاته



لو سمحتي ياختي زينب واي اخت تعرف في شني ينضافو قشور البرتقال المعسلة الصراحة اول مرة نسمع بيها وعجبتي ومتى يضافو وكيف ان شاء الله فهمتو سوالي ولكم مني كل الشكر والتقدير

[الساجدة لله]

زهورة ياغالية هادم تستخدميهم في الكيكات في البريوش او البانيتوني او حتى في تزيين الكب كيك زي مادايرة زوبة في الوصفة الاصلية للقشور وحتى اديريهم مع سلاطة الفواكه او المهلبية او ام علي وانت وذوقك والمسالة مسالة دوق , ومتى اضيفيهم للكيك او اي يخبز في الفرن تحطيهم في غربال فيه دقيق شوية متع ملاعق 2 فقط بعدين غربلي عادي او باللهجة العامية مرغديهم او غطسيهم في الدقيق وحاولي تتخلصي من الزايد من الدقيق وحطيهم في اخر مرحلة في اعداد الكيك قبل دخولهم للفرن , اما المهلبية زيني بيهم تزيين , الكب كيك تقدري زي ماقتلك في الكيك يعني الداخل وتقدري تدهني سطح الكب كيك وتحطيهم في سطح الكب كيك اللي هو وجهه اما البريوش تقدري اديريهم في عجينة البريوش او تحشي بيه كحشوة مع الالواز وحتى مع الالواز في حشوة السليلة , ان شاء الله فهمتي مني

[الساجدة لله]

وان شاء الله ربي يرزقك الذرية الصالحة ياااارب

[زينب محمد]

حبوبة ينضافوا للكيك او البريوش في العجينة

وكذلك لتزيين الكيك او الكب كيك او البسكويت بعد تغطيته بالشوكولا المذابة

وانا ذكرت هذا الكلام في الموضوع اللي اخذتي منه الصورة ووضعت صور توضح ذلك

http://kitchen.libyan-kitchen.com/showthread.php?t=32

[زهرة البنفسج]

زهورة ياغالية هادم تستخدميهم في الكيكات في البريوش او البانيتوني او حتى في تزيين الكب كيك زي مادايرة زوبة في الوصفة الاصلية للقشور وحتى اديريهم مع سلاطة الفواكه او المهلبية او ام علي وانت وذوقك والمسالة مسالة دوق , ومتى اضيفيهم للكيك او اي يخبز في الفرن تحطيهم في غربال فيه دقيق شوية متع ملاعق 2 فقط بعدين غربلي عادي او باللهجة العامية مرغديهم او غطسيهم في الدقيق وحاولي تتخلصي من الزايد من الدقيق وحطيهم في اخر مرحلة في اعداد الكيك قبل دخولهم للفرن , اما المهلبية زيني بيهم تزيين , الكب كيك تقدري زي ماقتلك في الكيك يعني الداخل وتقدري تدهني سطح الكب كيك وتحطيهم في سطح الكب كيك اللي هو وجهه اما البريوش تقدري اديريهم في عجينة البريوش او تحشي بيه كحشوة مع الالواز وحتى مع الالواز في حشوة السليلة , ان شاء الله فهمتي مني

بارك الله فيك على الاهتمام والشرح المفصل ربي مايحرمني منكم

[زهرة البنفسج]

وان شاء الله ربي يرزقك الذرية الصالحة ياااارب

بارك الله فيك على الدعوة يارب تحققي كل ماتتمني

[زهرة البنفسج]

حبوبة ينضافوا للكيك او البريوش في العجينة

وكذلك لتزيين الكيك او الكب كيك او البسكويت بعد تغطيته بالشوكولا المذابة

وانا ذكرت هذا الكلام في الموضوع اللي اخذتي منه الصورة ووضعت صور توضح ذلك

http://kitchen.libyan-kitchen.com/showthread.php?t=32

بارك الله فيك على الاهتمام وعلى هدا المنتدى الاكثر من رائع اللي عرفنا بحاجات عمرنا ماسمعنا بيه ربي يسهلك امورك ياااارب