[كيكه علم الاستقلال] من مطبخ loen

[loen]

السلام عليكم

كيف حالكم ياليبيات ومبروك علينا الاستقلال وارتحنا من المقبور وان شالله ليبيا الى الاحسن يارب

انا ليه فتره مدايره كيكه الاستقلال الاولى درتها يوم القاء القبض على المقبور والتانيه درتها فى يوم درنا فيها حفله الاستقلال انا وصاحباتى

المكونات:
5بيضات-2ظرف فانيليا-نصف كوب حليب مركز-كوب زيت-كوب سكر-من 2 الى 2 ونصف كوب دقيق-2ظرف بيكمبودر

الطريقه:
اول شى نجهزو القالب وندهنه بالزيت اوالزبد ورشه دقيق
ونفتحو على الفرن على درجه حراره180
نضرب البيض بالمضرب الكهربائى جيدا لن يكون رغوه ونظيف عليه الفانيليا والسكر بتدريج وبعدها نضيف عليه الزيت وبعدها الحليب ونخلطوهم كويس وبعدها نضيف الدقيق بالتدريج ونخلطه بالملعقه وردو بالكم تنسو البيكمبودر
وحشيتها بكراميل وطريقته خودى حكه حليب النستله وحطيها فى ميه فى طنجره عاديه لمده ساعه ولو عندكم طنجره الضغط نصف ساعه وخليها تبرد وافتحى الكحه تلقيها قعدت كراميل
الكيكه الاولى درتها فى عيد ميلاد بنتى وسبحان الله صادف يوم تحرير طرابلس يوم 2011-8-20
بس كان العلم صغير هلبه



والتانيه درتها يوم القاء القبض على المقبور
زينتها الطبقه الاولى بالكريمه والفوق بالفراوله والكيوى ومن الوسط مربى لكن طلع لونه احمر مش اسود لو درت شكلاطه كانت احسن





والتالته درتها يوم احتفلت انا وصاحباتى بتحرير ليبيا




وان شالله تنال اعجابكم

نبو تشجيع عشان نزلو موضوع تانى

[الساجدة لله]

ماشاء الله لاقوة الابالله حبيبة تورتة تسهــــــــــــف ماشاء الله

كان قدامي راهو صار عليها هجوم صاروخي هههههههه تورتة قنينونة زيك ياقمــــر وتستحق التقييم لك والنجيمات للموضوع

[مغتربة 7]

يمييييييييي
كيكة تهبل ماشاء الله
تسلم الايادي حبيبة
تستاهلى احلى تقييم

[loen]

مشكورين على مروركم الحلو

[ليبية]

روعة ماشاء الله عليك

بالصحة على بنيتك ويارب ديما افراح


حبيبة معليش سؤال بايخ

الشكولاته متع الأرقام على التورتة الأولى من وين؟

[أم أبرار]

شكلها حلووووووووووووووو تسلم يمناك

[loen]

اقتباس:
المشاركة الأصلية كتبت بواسطة ليبية


هذا شكل الباكو من الخارج
انا خارج ليبيا ومتوفر عندنا فى المحلات بس اكيد حتى فى ليبيا موجود

وموجود بيه بالداخل ارقام وحروف وهذا شكلهم








لولا السؤال ماعمرنا نعرفو حاجه
حتى انا اول مره شفته عند وحدا مدايره عيد ميلاد ولدها وعازمتنا عليه فورتنى الباكو بتعه

[loen]

اقتباس:
المشاركة الأصلية كتبت بواسطة أم أبرار
شكلها حلووووووووووووووو تسلم يمناك

مشكوره على المرور الحلو

[ريمي]

ماشاء الله تبارك الله
يمي يمي شكلك فاالحة يابنت خالتي كيكات رووعه تسلم ايديك

[loen]

اقتباس:
المشاركة الأصلية كتبت بواسطة ريمي
ماشاء الله تبارك الله
يمي يمي شكلك فاالحة يابنت خالتي كيكات رووعه تسلم ايديك

وسلم دياتك لمن طالعه فالحه اكيد لبنيت خالتى