[السفنز الليبي ] بايدين mnona من مطبخ والدتها

[mnona]

ياصباح الخيرات عالحلوات
عارفة الموضوع متكرر ولكن درته الجمعة الصبح فطرنا بيه قلت والله لما نشارك بيه
ونوريه للحلوات يقولولي شن رأيهم فيه
تبو الحق بديت اي حاجة نديرها نبي نوريهالكم ونشارك بيها معاكم
المهم
المقادير كلنا نعرفوه وبس فيه اختلاف بسيط بين الطريقة والطريقة
وهدي طريقتي ، وللأسف ولآنه الكمية كبيرة المقادير مش بالمكايل بالضبط عيني ميزاني
دقيق منخول / م ك ملح / م ك سكر / 1.050 خميرة بيرة / م ك بزار ( كركم ) / ماء دافئ للعجن

تعجن المقادير السابقة كلها مع بعض ونخلوها ترتاح نصف ساعة او ساعة بالكثير

بعد لا تختمر العجينة وترتفع وتي طاجينك اللي بتقلي فيه السفنزات وضروري ضروري يكون الزيت معبي الطاجين يعني لما تحطي السفنزة لازم تغرق في الطاجين وفي الزيت ، ولما تبي تحطي السنفزة لازم يكون زيتك يحرق حرق سخووووووووووون

طريقتي في فرد السنفزة ، ناخد طاجين تيفال وندهنه بالزيت ( بالمقلوب ) ونفرد عليه السفنزة وطبعا كل مانبي نفرد سفنزة ندهن الطاجين بالزيت

ونحليكم مع الصور

لما تحطي طاجينك التيفال في الزيت تبدي تحول في اطراف السفنزة اللي لاصقة في الطاجين بكاشيك بالشوية بالشوية وردي بالك تستخدمي الفركيتة لانه تريشها من الجوانب

ان شا الله يارب يعجبكم وتعالوا كان بتاكلوه سخون

[ام ساره وعبدالعزيز]

سلم يديك

[أمـ ساره]

ماشاء الله لاقوة الا بالله

سفنز ايجي في الخاطر والله

ربي يسلم ايدياتك الحلوة وايديات اميمتك ويحفظهالك

[أم ميوسة]

ما شاء الله سفنز روعة

والطريقة جديدة

تسلم ايدياتك وايدين اميمتك

وربي يحفظها ويطولها في عمرها ويعطيها صحيحتها

تسلموا

[روح مغتربه]

يسلموا ايديك وصحتين عليكم وعندك الحق اتديريه في مطبخ امك ربي يطول في عمرها لانه السفنز ما يحلي الا في لمت العيله امي الله يدكرها بالخير حتي هي كانت اتدير فيه كل جمعه بس بعد ما جاها الكلسترول حشاكم بطلت

[sweet nona]

الله عالسنفزات السخونات عالصبح تسلم ايديك وربي ايخليللك امك يامنون وطريقتك في فرد العجينة عجبتني وحنعتمدها انشالله

[مغتربة 7]

بسم الله ماااااااااشاء الله
سفنز يهبل وايجي فى الخاطر
الله يسلم الايادي يارب
وطريقتك زايد فيها البزار ممكن تقولينا حبيبة شن الاختلاف فيه والدقيق هل تقصدي شعير
ومشكورة حبيبتي
احلى تقييم لعيونك

[ام ليبيه حره]

طريقة القلي جديدة
بارك الله فيك

[DREAM]

ما شاء الله
سفنز ايهبل يسلمو ايدياتك وايديات اميمتك
ربي يحفظها ليكم

[الساجدة لله]

ماشاء الله لاقوة الابالله سفنزات يهبـــــــــــــــلو