اقتباس:
المشاركة الأصلية كتبت بواسطة جميلة الكون
ماشاء الله عليهم كعكاتك شكلهم يشهوا تسلم ايدكي
والله كان انقولك علي قداش ليا اندور فيها طريقة كعك الحلو خصيصا قريب سنة واني اندور علي طريقته
وفي الاخير قولت واخيرا لقيته واليوم جربته وطلع يسلام عليه وبنته قنينه هلبا وشكرا علي طريقة يلي نزلتيهالنا ونتظر منكي ديما الجديد
وعلي فكرة الكعك المالح حتي هو جربته لكن ماطلعليش باهي قولولي هل المفروض العجينة انديرها يابسة شوية
الله يسلمك ان شا الله وفرحت هلبا انك جربتيه وجاك قنين
بالنسبة للكعك المالح عجينته باهية مش يابسة ومش لينة يعني لما تشديه في ايديه يتشكل
وضروري تخليه يرتاح
اقتباس:
المشاركة الأصلية كتبت بواسطة أمـ ساره
ماشاء الله كعكات ايجوا في الخاطر
يبوا طويسة شاهي امنعنعة
سلم ايدياتك حبوبة وبالهني والعافية
ولدك زي بنتي عقلها العجينة ربي يحفظهولك ان شاء الله
الله يسلمك ويحفظك ان شا الله
وربي يحفظلك بنيتك يااااااااارب
والله معاد عرفت شن ندير معاه بمجرد مايشوفني حاطة الصونية وفوقها الغربال يقولي حيه ماما عجينة ويقعد يزربز لين ياكل منها
اقتباس:
المشاركة الأصلية كتبت بواسطة أم أيوب
يسلم ايديك منونة كعيكات يهبلو
تعرفي انا عمري مادرته في حوشي بس ماما تدير فيه ونعرف كيف
مانحطوش لا زبدة ولا دحي
نحطو في زيت زيتون ولازم من الكمون الحلو حتى اسمه الدارج عندنا كمون الكعك
ونحطوله جلجلان محمس
ناوية ان شاء الله مشيتي الجاية لأهلي نقول لماما تديره ونصوره ونوريه لكم
الله يسلمك ان شا الله وربي يحفظك يارب
طريقة الزيت الزيتون وكمون الكعك طريقة عزايزنا ومن زمان حتى امي ادير في نفس الطريقة ولكن هدي طريقة جديدة متاع الشابات
وخيرهم ايدياتك ان شا الله ماديريشي انتي ، لازم تمشي تعبي امك
ربي يحفظها ان شا الله ويخليهالك فوق راسك ان شا الله
الله واحد عليكم
ههههههه اني مع الحلو ما عنديش بخت
قصدي الكعك طبعا
خخخخخخخخخ حنجرب طريقتك ونولي انقولك شن صار كان سخر الله
الذين يشاهدون الموضوع الآن: 1 (0 من الأعضاء و 1 زائر)
المفضلات