(الدرس الثالث) كيفية تحميل الفرش للبرنامج

[روح مغتربه]

ليبيه علي قولت الحاجه
شن درنالك يا حبيبتي ...........شن الي درناهولك
طلقتي علينا الفرش الحلوه يا حبيبتي ...رعشونا
ليه يومين وانا بايته قدام الكميوتر وعويلتي سايبين .......يا حبيبتي
فرش وبس
فرش وبس
هبلني ودوخني ومانبي غيرهن شي
وهذا تطبيق الثاني بس قبل ما انزل الفرش الجديده

[ام تغريد]

عفا يابلة بني نقولك راهو نوع الفرشاة هادي ما بتش تطلع عندي ما عرفتش علاش

وحاولت اكثر من مرة نمس البرنامج متاع الفرش ونحمل من جديد بس مابوش يطلعوا زي اللي في تطبيق الزميلة

واني خاطري فيهم وحاولت نزل من قوقل بس يطلعو نفس اللي عندي عبيت بالفرش بس بني زي هادو ياريت اديري فيا معروف وتعطيني رابط ثاني انزل منها واكون لك ممتنة

[أمـ ساره]

ماشاء الله لاقوة الا بالله

أم تغريد ابدعتي حبوبة

ومعاك حق لو بديتي في الفرش ماعاد اتسيبي بكل

ربي يحفظك حبوبة ويبارك في وفي ليبية على هالدورة الحلوة


ماشاء الله عليكم كلكم عيني ما ضركم يا حبوبات

[ليبية]

ام تغريد


تي شن هذا؟


شن يقولوله هذا؟


هكي علمتك اني؟؟؟؟








والله حالة وخلاص





بجديات





بجديات



والله على ما اقول شهيد





انه تصميمك بجد ابداع في ابداع تحفة


بسم الله ماشاء الله عليك لدرجة اني مش مصدقة هالتطور الرائع في هالفترة القصيرة ماشاء الله عليك


بالنسبة للفرش حبيبة ممكن مانحصلكش زيهم لكن شبيهات بيهم بعون الله انتظريني في مووضوع جديد

[ليبية]

ام سرو مشكورة على مرورك الطيب وكلامك الحلو يا حلوة ننتظر تصميمك يا غالية

[روح مغتربه]

ليبيه راهو قريب نبكي هذا تصميمي مش تصميم ام تغريد
اهي اهي اهي

[الساجدة لله]

حبوبة قاعدة ندور فيهم ان شاء الله حظي يكون كويس ونلقاهم هما والخامات والسكرابز والباترن بس بديت انزل في تانيات لين نفورم الجهاز الاول ونردهم ان شاء الله

[ام تغريد]

ههههههههههههههههههههههه

والله ضحكتيني ليبية لين دموعي نزلو

راك فاهمة غلط تو اني بنقدر نتقن اتقان روح مغتربة صاحبة الصورة تبارك الله ما شاء الله سلم ايدياتها

اني منزلة صورة ثانية لوحدة من الاخوات نبي نوريك نوع الفرش هادي مابتش تنزل عندي

وخاطري فيهم بالك انجيبلك صورة اقوى منهم

ونزلت الفرش وعاودت وتكررو اكثر من مرة وهادو ما يطلعو صور بس

[ليبية]

روح مغتربة بالله عليك سامحيني والله من كثر التعليقات ومن كثر المشاغل شكلي معاش نركز

وفعلا بجد تصميمك في غاية الروعة من التصاميم الجميلة جدا ماشاء الله عليك وسامحيني مرة تانية

بس سؤال هل انت عندك خلفية على الفوتوشوب قبل هكي؟

لأن تصميمك تحفة بصراحة ماشاء الله


ام تغريد

يافرحة ماتمت خخخخخخخخخخخ


لا والله نبصر عليك حتى انت بسم الله ماشاء الله عليك وفي تحسن واضح في تصاميمك ومازال انأكدلك بعون الله الجاي احسن واحلى غير استمري بس

[ام تغريد]

مشكورة ليبية يا احسن ابلة

بصراحة من المغرب لقيتلك موقع للفرش

وطايحة فيها تحميل ومشكورة