[ مشاركة في مسابقة لاشرقية لا غربية لقسم المعجنات الليبية ] الفتات المصراتي من مطبخ مغتربة 7

[مغتربة 7]

السلام عليكم ورحمة الله وبركاته

هذه مشاركتي الاولى ويارب تنال اعجابكم

الفتات المصراتي من الاكلات المشهورة جداً فى مصراتة وطبعاً يتاكل جاف او بالطبيخة حسب الرغبة

المقادير حسب الكمية

دقيق - ملح -ماء


خليط نضعه بين الاقراص (زيت ودقيق )

الطريقة

نضع الملح على الدقيق ونضيف الماء بالتدريج ونعجن عجن جيد حوالي عشرة دقائق عجن

العجينة تكون متوسطة الليونة وبعدها نشكلها اقراص صغيرة ونضع الخليط بين الاقراص كما فى الصورة
ندهن سفرة ونضع فيها الاقراص وتدهن بالزيت فى الوجه حتى لا تيبس ونغطيها ونتركها ترتاح كل ما ترتاح كل ما يكون احسن.
























وبعدها ندهن سفرة تانية ونبدا بفتح العجينة بالقرص كما فى الصورة وبعدها ندهن الطاجين او الطاوة ونبدا بوضع العجينة المفتوحة فى الطاجين اني انحب نفتحها باليدين









وبعد نضج كل قطعة نضعها فى صحن ونغطيه حتى ما ييبس الفتات وهكذا الى نهاية الفتات بالكامل
احنا المرة هذه اكلاناه جاف مع طويسة شاهي اخضر منعنع.

وهذا الشكل النهائي












وصحتين وعافية
دمتم بخيرر

[أمـ ساره]

ماشاء الله لاقوة الا بالله

فتات ايهبل ويجي في الخاطر

يعطيك الهني والله لازم تبعثي لي حصتي

ربي يسلم ايدياتك الحلوة وخيتي

وبالتوفيق بالمسابقة

[الطيب قلبي]

يعطيك الصحة وتسلم يديك يالغالية

[أم أيوب]

يا سلام ياغوغو فتاتاتك جو يهبلو

يسلم هالايديات يارب وصحتين على قلوبكم

تعرفي توة هالوقت عالصبح جاني خاطري في فتات وجبنة

وطويسة من شاهيل الأخضر المنعنع

[مغتربة 7]

ماشاء الله لاقوة الا بالله

فتات ايهبل ويجي في الخاطر

يعطيك الهني والله لازم تبعثي لي حصتي

ربي يسلم ايدياتك الحلوة وخيتي

وبالتوفيق بالمسابقة

الله يسلمك ياغالية
حصتك فى الحفظ والصون
عطرتي صفحتي يا الغلا

[مغتربة 7]

يعطيك الصحة وتسلم يديك يالغالية

الله يسلمك حبيبة
اسعدني مرورك

[مغتربة 7]

يا سلام ياغوغو فتاتاتك جو يهبلو

يسلم هالايديات يارب وصحتين على قلوبكم

تعرفي توة هالوقت عالصبح جاني خاطري في فتات وجبنة

وطويسة من شاهيل الأخضر المنعنع

الله يسلمك ياغالية
تصدقي اني انحبه جاف مع الشاهي
اسعدني مرورك حبيبة

[الساجدة لله]

بسم الله ماشاء الله لاقوة الابالله حبيبة

فتاتات يجننو ويجو في الخاطر نبي حصتي مادخليش فيك

وموفقة في المسابقة

[نسمه ليبيه]

يسلم هالايدين يسهــــــــــــــف

[مغتربة 7]

بسم الله ماشاء الله لاقوة الابالله حبيبة

فتاتات يجننو ويجو في الخاطر نبي حصتي مادخليش فيك

وموفقة في المسابقة

الله سلمك ياسجودة
حصتك محفوظة
اسعدني مرورك