[ مشاركة في مسابقة لاشرقية لا غربية لقسم المعجنات الليبية ] الفتات المصراتي من مطبخ مغتربة 7

**Om Saga** · 01-24-2012, 06:31 PM

بسم الله ماشاء الله عليك
تبان مش عادية ربي يباركلك ياااااااااااارب
فطيرة تجي في الخاطر إمممممم وطويسة شاي
منورة حبوبة
أحلى تقييم لعيونك الحول هههههههههه نبصر عليك لا تحرجي
أحلى تقييم لعيونك الحلوات

**guidona** · 01-24-2012, 07:07 PM

محلاهم حتي اني نبي حصتي روعه روعه اعيوني اقريب طلعو نبي ناخد طريف بس صحه صحه مشاركه جدا حلوه

**ام تغريد** · 01-29-2012, 08:14 PM

ما شاء الله مغتربة تسلم ايديك

غر علاش مكترة الصور

والله لين سال ريقي حرام عليك

تبارك الله وكان عندي وقت راني نضت درته توا

صحتين وعوافي

**أم ميوسة** · 01-30-2012, 01:42 AM

فتات روعة من ايدين ما نعدمها

خلتيه في خاطري يمي محلاه مع طويسة الشاهي

تسلم ايدياتك مغتربة

فتات بيعقد على قولة اخوتنا في سورية

صحتين يا غالية

**خدوج** · 02-02-2012, 12:38 AM

مغتربة
يودى ماعندى مانقول
عين الله تحميك وترعاك وتحفظك وتحرسك
والحق ينقال
قسم بالله اليوم فى الكوجينة صغارى يدعولك
قريب ينقزو فى الطاجين من حلاوة الفتات
ضوقة ماما ضوقة ماما عطيناهم فتاتة تنين الثالثة
والحق حتى نى مرة مرة نخنب طريف
لعند مالزيتهم من الكوجينة
وهات ياجبنة ودحى مقلى وطويس منعنعة
وفتات مصراتى على طريقة مغتربة ويصبح عشى مقوم
بنة وصنة
الله يرحم والديك
قد مانحكى مانوفيك حقك
كنت بنزله مالقيتش مركز تحميل
واحلى تقييم.. وبجدارة
واللى يجرب مايندمشش
والتطبيق محفوظ

**ام جنى** · 02-02-2012, 10:59 AM

روعه روعه
ان شاء الله انجربه اليوم

**lola9670** · 02-17-2012, 04:37 PM

تسلم الايادي

**نسيبة** · 02-19-2012, 04:18 PM

تبارك الله روح يجو في الخاطر
قنينات ومع طوسة شاهي منعنع عادي
موفقة حبوبة لك تقييمي

**مغتربة 7** · 05-30-2012, 04:16 AM

اسعدني مروركن وخياتي
عطرتوا صفحتي

حبيبتي خدوج ياغالية كلامك بكاني
ودعواتك الحلوة اللهم امين
ربي مايغيبك ياحنينة
وصحتين عليهم حلوينك ربي يحفظهم ويكبرهم فى طاعته
ويشفيك ويرجعك لينا زي ما كنتي يااطيب اخت
استاحشتك