نزلت فى موضوع سابق الترفاس وعرفتكم عليه
وطريقة تنظيفه
وهذا الرابط
ونجو اليوم لطريقة
المرفوسة بالترفاس
يعنى شن بنحكى شن بنقول ترفاس ترفاس
رعايش ياسجودة
نحتاج للمرفوسة
تريفاسات قنينات
حبات بيض ماتكثروا
شوى سمن اوزيت
كمون ملح
بعد مانظف الترفاس نحط الترفاس مع البيض فى اناء مع الماء ونخلوهم يغلوا
فوق النار 10 دقائق وبالكثير ربع ساعة باش نضمن نضج البيض
واذا حبيتى حطى ملح
وبعد الربع ساعة نزلهم من النار ونصفيهم من الميه
ونحطهم فى صحن مناسب وجيبى شوكة
وبعد ماتتاكدى انك هرستيهم او رفستيهم مليح قصدى الترفاس والدحى
جيبى ملعقة سمن والافضل حيوانى وللاسف ماكان عندى سمن
فاضفت زيت وبالسمن افضل وضيقى الكمون (كمون حوت)وذوقى ملحها
وزينيها او تركيها سادة وقدميها مع رشة زيت فوقها
ولعشاق الترفاس تاكلوا اصابعكم
والف صحا وهنأ
المفضلات