[مرفوسة بالترفاس] من مطبخ خدوج

[خدوج]

نزلت فى موضوع سابق الترفاس وعرفتكم عليه
وطريقة تنظيفه

وهذا الرابط

http://www.libyan-kitchen.com/kitchen/showthread.php?t=3742

ونجو اليوم لطريقة
المرفوسة بالترفاس

يعنى شن بنحكى شن بنقول ترفاس ترفاس
رعايش ياسجودة

نحتاج للمرفوسة
تريفاسات قنينات
حبات بيض ماتكثروا
شوى سمن اوزيت
كمون ملح

بعد مانظف الترفاس نحط الترفاس مع البيض فى اناء مع الماء ونخلوهم يغلوا
فوق النار 10 دقائق وبالكثير ربع ساعة باش نضمن نضج البيض
واذا حبيتى حطى ملح
وبعد الربع ساعة نزلهم من النار ونصفيهم من الميه
ونحطهم فى صحن مناسب وجيبى شوكة

وبعد ماتتاكدى انك هرستيهم او رفستيهم مليح قصدى الترفاس والدحى
جيبى ملعقة سمن والافضل حيوانى وللاسف ماكان عندى سمن
فاضفت زيت وبالسمن افضل وضيقى الكمون (كمون حوت)وذوقى ملحها

وزينيها او تركيها سادة وقدميها مع رشة زيت فوقها
ولعشاق الترفاس تاكلوا اصابعكم

والف صحا وهنأ

[ام تغريد]

ما شاء الله عليك خدوج وصفة جديدة عليا ما نعرفش الا مرفوسة الفطيرة

لكن الترفاس حتى بترابه ناكله

وتمنيت ها الصحن قدامي راني هجمت وما استنيت حد

تسلم ايديك وصحتين عليكم

[الساجدة لله]

شن درنالهم ياحبيبتي شن درنالهم هههههههههههههه

تريفيساااات بالدحيااات و مرفوسااااات

بنقعد ليلتين بايتة نحلم بيهم
ياروووووري تسلمي دوجة اخلى تقييم لاخلى ترفوسات وهدا الرعاش الحقاني

مانبو حد خدوج وبس بتريفيساتها وكعيكاتها ههههههههههههه

[مغتربة 7]

بسم الله ماااااااااااااااااشاء الله
رعايش حق ياسجودة
مرفوووووووووووووووووسة تاخد العقل
تسلم الايادي ياعسل
حق اشتركي بيها فى مسابقة لاشرقية ولاغربية
المرفوسة اكلة ليبية
تستاهلي احلى تقييم

[الساجدة لله]

ريتي ريتي ياغوغو انا ناقصة تعرفي الايامات هده مش مسيبة الماكلة الصحية وبس طايحة فيها حلو اشكال والوان

تعرفي كان مش التانيب الضمير راهو سمعتو اصوات تنادي من بعيد كعكـــــــــــــــي

[أمـ ساره]

ماشاء الله دوجة

غبتي وعلينا وجيتينا بالحاجات الحلوة

ربي يسلم ايدياتك حبوبة

مع اني ما نعلاف بنة الترفاس لكن ايجي في الخاطر والله

[روح مغتربه]

ما شاء الله خدوج شنو هذه
عداب عداب مش طبيعي ومع اني او مره نعرف المرفوسه بس نعرف الترففففففففففاس واه من الترفاس واه منك يا خدوج يسلموا ايديك وكيف ما قالت وحده من الاخوات شاركي بيها الوصفه هذه بيش تتري المسابق

[أم لينه]

تسلم إيدياتك دووووجه
وصفة رائعة
وتستاهلي أحلى تقييم

[jolia]

اول مرة نعرف ان المرفوسة ليها شكل ثانى غير الفطيرة مشكورة

[guidona]

ياودي قلنا غبتي مش بلاش لوحيلي ترفاستين بس ههههههه صحه صحه روعه روعه ابديت اتخرف ترفاس ترفاس

منوره علي المشاركه الي زي العسل