[ مشاركة في مسابقة لا شرقية ولا غربية لركن الأطباق الرئيسية الليبية ] محشى خضرة بالبرغل (دولمة) من مطبخ ام هداية

[ام هداية]

هذه اول مشاركة ليا فى مسابقة لا شرقية ولا غربية اللهم وحد بلادنا على كلمة لااله لا الله محمدا رسول الله

مشاركتى هى محشى خضرة اودولمة بالبرغل طبعا هى معروفة فى جميع مدن ليبيا لكن طريقتى نستخدم البرغل الخشن بدل الارز وهذه الطريقة منى لان اصلى طرابلسية من سوق الجمعة وعمتى قالت انا كانوا اديروا فى العصبان فى البرغل بدل الارز جربوها حلوة وصحية ان شاء الله تعجبكم








اولا الخضرة نستعمل فى السلك والكوسا والبدنجان والفلفل الحلو وبطاطا




المكونات لحم مقطع مكعبات صغيرة وخاصة لو كان لحم ضأن ايجى بنته زى العصبان اولحم مفروم +بصل مفروم ( يفضل بصل اخضر ) ومعدنوس مفروم ناعم طماطم اخضر مكعبات صغيرة+ برغل خشن ينقع فى ماء ساخن لربع ساعة ) ملعقة اواثنين طماطم معجون حسب الكمية شوية زيت +نعناع جاف او اخضر فلفل اسود واحمر وبزار وشوية بهارت









نقع السلك فى مية سخونة لين يدبل ونحشيه






نحفر الخضروات ونحشيها







ناخد طنجرة واسعة ونضع فيها شرائح من البطاطا او البدنجان ثم نرص الخضروات المحشية




نحضر صلصة طماطم ( طماطم معجون وماء وشوية بهارات وفلفل ) ونصبها فوق الخضرة ) ماتكتريش صلصة ربع الطنجرة واتطيب على نار هادية لين اطيب










وهدا شكلها بعد ما طابت





وهذه مع شربة عربية وسلاطة وتاكلوا بالهناء

[ام تغريد]

ما ساء الله ام هداية تبارك الله علي المحشي السخون تسلم ايديك وان شاء الله موفقة في المسابقة

وتوا وقت الغدي ونبي انوض لكن شن رايك ما فيه ما طيبت اتمديلي الصحن اللي قدامي وتعملي فيا معروف

[ام هداية]

ما ساء الله ام هداية تبارك الله علي المحشي السخون تسلم ايديك وان شاء الله موفقة في المسابقة

وتوا وقت الغدي ونبي انوض لكن شن رايك ما فيه ما طيبت اتمديلي الصحن اللي قدامي وتعملي فيا معروف

الله يسلمك ام تغريد ربى يحفظك

الطنجرة كلها ليك اتفضلى ياغالية ردى بالك تحرقى ايدك قاعدة الطنجرة سخونة

[ميسون]

تسلم ايدياتك شكلها شهي

[Om Saga]

جوعتيني والحكاية صقع
تسلم هل اليدين يااااااااااااااربي
ماشاء الله صفيرة مقومة
أحلى تقييم أختي لعيونك
موفقة

[ام هداية]

تسلم ايدياتك شكلها شهي

تسلمى اختى مشكورة

جوعتيني والحكاية صقع
تسلم هل اليدين يااااااااااااااربي
ماشاء الله صفيرة مقومة
أحلى تقييم أختي لعيونك
موفقة

الله يسلمك ويحفظك ومشكورة على التقييم

[أم لينه]

يسلموووووووووووو إيديك حبوبه
إبداااااااااااع ياأم هداية
بارك الله فيك

[Om Amory]

الله الله سهفتينى يهبل

يسلمو ايديك

وأحلى تقييم ليك

[مغتربة 7]

بسم الله ماشاء الله
يسلام عليك ياام هداية وعلى المحشي
محشي ياااااااااخد العقل وعيوني بيطلعوا جبتيه فى خاطري
فكرة البرغل جديدة عليا
والشريبة جت فى خاطري حتى هيا بما ان الطنجرة سخونة شن رايك انجي اني وخلاص ناكل محشي والشربة يمييييييييييييي ههههه
تسلم الايادي حبيبة ديمة مبدعة
موفقة ان شاء الله فى المسابقة
احلى تقييم لعيونك

[guidona]

الصراحه واو روعه بسم الله ماشاء الله من ايد مانعدمها محلاها محلاها وهديك القريعه ليا سنين اعليها سهفتيني صحيحه ليكم كلكم