عامر باهله ان شاء الله

[الساجدة لله]

رواد ياعســــل والله محتاجين لمبدعات زيك في المنتدى كي نزيد من جمال المضمون الذي نقدمه وانا على تقة ان باانضمامك للمنتدى رح تزيدي من نجاحه وبارك الله في زوبة الحبوبة اللي فتحت الصرح الجميل والرائع هدا

اللي بالفعل من خلاله نسعى ان نعرفو بمطبخنا الحلو زي ماتوارنا عرفو ببلادنا وبشابها وااخلاق رجالنا الاصيلة

[RAWAD]

حبيبتي .. الساجدة
مشكورة جداً على ترحيبك الراقي .
الحق اني هو اللى سعيدة بتواجدي بينكم في صرح رائع كهذا
و نسأل الله جل و على ان يبارك في وقتي و استطيع ان اقدم افضل ما عندي .
بالرغم من ان المنتدى متميز بعضوات و ادارة ما شاء الله و تبارك الرحمن ..
و لدي شعور بان المنتدى سيتصدر المنتديات العربية في فترة قريبة ..
جزاكم الله خير على ما تبذلونه من عطاء لأظهار المطبخ الليبي بأجمل حلة .

[الساجدة لله]

رودي حبوبة والله محتاجين ان نبدلو مجهود اكبر من هكي عشان نطلعو صورة الطبخ والمطبخ الليبي اللي كان

كامده في صدورنا الملازم المردوم ( مردوم الصحراء ) بس توا بصدق طيبي وحسي بقيمة اكلة الكسكسي مش لانها كسكسي لا لانها تراتنا اللي مايعرفوشي هلبه عرب واجانب ومايعرفوش الا الكسكس التونسي او المغربي والجزائري وناسيين ان احلى كسكسي الكسكسي الليبي المزهر واللي باللحم الوطني والبصلة الفايحة ههههههههههه نتغزل فيه يقول اشبح شيني ههههههههههه

وهده فرصة ليك ولاي عضوة انها تشاركنا في مسابقة لاشرقية ولاغربية للاكلات الليبية اللي من خلالها نسعو لضم الاكلات الليبية من مختلف المناطق الليبية في ملف واحد وبااذن الله انديروها كتاب الكتروني يااارب

تكتر المشاركات ويكون الكتاب شاكل لكل المناطق الليبية همتكم معانا

[RAWAD]

بالتأكيد يا غالية
ان شاء الله حنشارك بأطباق تراثية بالذات
حتى لو ما لحقتش عالمسابقة حنفرد جزء من وقتي لهذا الامر حتى نكون موسوعة طبخ ليبي متنوع .
اني سعيدة جداً اني لقيت ناس تفكر بطريقة مقاربة لتفكيري ..
الله ولي التوفيق ..

[الساجدة لله]

باهي اللي لقيناك هههههههههههههه حي عليك عمية شدت خانب هههههههههههههه

الحمدلله نظرتك لفكرة المسابقة زي مكانت نظرة كل المشرفات والعضوات وزوبة حتى هي هدفنا الاول والاخير زي ماوحدتنا التورة نبو نديرو حاجة رمزية ترمز للوحدة حتى على صعيد ربات البيوت والامهات في المطبخ ونعطو متال ونورو انصار المردوم ان تراتنا متواصل وان 42 سنة فاتت ماقدرتش تلغي تاريخنا ولا امجادنا ولا عاداتنا وتقاليدنا اللي منهم اكلنا ههههههه طبعا كان تكلمت شن بيسكتني هههههههههه حبوبة راك تنسي بش يخشو اكلاتك في الكتاب بااذن الله