[المشاركة الثانية التشجيعية في مسابقة لاشرقية لاغربية ]زميطه بالبن من مطبخ guidona

**guidona** · 01-24-2012, 06:49 PM

اهلين بالحلوات

وينكم ووين مشاركاتكم الحلوه اني ننتظر وجميعنا ينتظر بفارغ الصبر

مشاركتي التانية

عباره عن اكله شفت اهل زوجي من الجبل الغربي من يفرن اديرو فيها

ومشهوره عندهم

هده الاكله يااما يفطرو بيها او ترديده بعد الفطور

في الاول والله اني وحده من الناس استغربتها جدا لانه ولا عمري ريتها في طرابلس هههه ولم

اتقبلها بس بعدين صرت مدمنه اعليها وكان نلقي زميطه انديرها كل يوم ههههههه

وهيا عباره عن زميطه سويقه

ونعصدها بالميه العاديه ماء الشرب حتي تتماسك بهدا الشكل

تم نضيفلها لبن خاتر مع قطرات زيت ويكون زيت زيتون وتاكليها بالهني ومش عاديه بكل بصراحه

وهده مع كوب شاهي يمي

وان شاء الله عجبتكم

وننتظر منكن اكلات ليبية من كل مناطق ارضنا الحبيبة

**الساجدة لله** · 01-24-2012, 07:24 PM

تسلم الايادي ياغيدون ياغالية وهده اول مرة نشوفها فعلا المسابقة هده عرفتنا اكلات بلادنا لي عودة تانية لتفصيص

وفعلا لاشرقية ولاغربية

**guidona** · 01-24-2012, 07:36 PM

ايه والله ياسجود روعه الحق وتسلمي علي الرد الحلو وقصقصي زي ميعجبك نورتي ياعسول

**أمـ ساره** · 01-24-2012, 09:26 PM

ماشاء الله غيدونا أكلة غريبة وحلوة

اليوم جي في بالي انزل الزميطة الطرابلسية

بس ماشاء الله انتي كفيتي ووفيتي

وبجد نطلعوا من هالمسابقة بأكلات تراثية لاووووعه

مشاركة مميزة حبوبة

وننتظر مشاركات الاخوات

**ام تغريد** · 01-24-2012, 10:06 PM

ما شاء الله غيدونا منورة بوصفتك راهي وخيتك يفرنية بس شكلها روعة

جاري تطبيقها ولواتجربيها حتى بالرب والزيت حلوة

**روح مغتربه** · 01-25-2012, 10:18 PM

روعه هالزميته وانا انقول وين ليبي يطلع بره تلقيه كيس الزميته ايحادي فيه والحجاج ايحط الحجاج قبل لايتاكد انه ماشي تلقيه ايوتي فيه ويحمس في الشعير
ياكلو فيها بكل الطرق حتي بالبن
فعلاًالمسابقه بطلعنا بكم من الاكلات الليبيه المندته مش عادي
موفقه حبوبه ومشارك مميزه

**مغتربة 7** · 01-25-2012, 11:23 PM

نحبها الزميطة واول مرة نسمع بيها بالبن
تسلم الايادي حبيبتي غيدونا
مشاركة رائعة
المسابقة هذه خلتنا نتعرفوا على اكلات بلادنا الى ما نعرفوهاش
تقبلي مروري