[طاجين الدجاح بالبادنجان ] من مطبخ bent libya

[bent libya]

ياصباح الانوار علي اهل الدار كيف حالكم اليوم

اليوم حبيت انقدملكم

طريقة طاجين الدجاح بالبدنجان علي طريقتي


المقادير اول شيء

دجاج افخاد -شوية زيت -بصلة جوانح -طماطمة مقطعة مكعبات -فلفل حار اخضر مقطع-

بطاطا مكعبات كبيرة شوي -سنين ثوم مقطع شرايح -شوية ماء والبهارات الي عندك اني بهاراتي


(ملح.فلفل احمر شوي,فلفل اسود,بزار,فرفة,تابل دجاج,زعتر,اكليل,وزنجبيل.وشوية حرارات)


طبعا البدنجانة مقطعة طولي وقرون فلفل حار ناشط

يلا بنا علي الطريقة

انجو للبدنجان اول حاجة

نقص البدنجان اصابع اتكون غليظة شوي وبعدين نحطها في طنجرة ولاطاجين ونحط معاها

شوية زيت وفلفل اخضر قرون وحمسيهم شوي علي النار لين اتحسئ لنهم دبلو وطاب البدنجان .وخليه علي جنب

وتوا انجو للطاجين

اول شي تحطي شوية زيت في طنجرة علي نار وبعدين اتحطي قطع دجاج وتعلي النار باش

ياخدو شوية تحميرة وتقعدي تقلبي باشوي

وبعدين اضيفي البصل المقطع جوانح وحركي شوية وغطيه لمدة دقيقة علي نار هادئة حتي تحسي انه بدي يدبل

بعدين اضيفي الطماطم اللأخضر والفللفل الحار المقطع قطع والثوم والبطاطامع تحريكة بسيطة

بعدين اضيفي البهارات الي عندك وحركيه كويس حتي اتحسي ان البهارات كلها
اتخلطت مع بعض كويس وعدليلها ملحها وضيفي شوية ماء حوالي طويسة الي طويستين
شاهي ماء ونقصي الغاز وخليه ايطيب لمدة من 20-30 دقيقة علي نوع الدجاج الي عندك وتحسي ان اميته نشفت واصبحت خاترة

وبعدين اطفي النار وصبيه في طاجين ايكون مناسب وخلي الدجاج فوق وزينه بالبدنجان والفلفل المشوح


وتفدري تغرسي البدنجان والفلفل في داخل الصوص باش يعطي نكهة


وبعدين حطيه في الفرن علي اعلي رف مولعتيه من فوق باش يتحمر الدجاج ماياخدش وقت ممكن 5 الي 7 دقايق يتحمر الدجاج والبطاطا تاخذ لون وتقدم بحنب ارز ابيض وسلاطة

وهذا امبارح كان عشاي اني وزوجي . الارزبالشاورما كان فاضلي شوية من الليلة الي قبلها فسخنته


طيبت الدجاج بس والسلطة ومعاها طويسة عصير البرتقال الطبيعي وصحتين وعافية .

سامحوني طولت هلبا لاكن مانحكيلكمش فيس ماطاب وماخداش مني وقت


والف صحة وهناء

[الساجدة لله]

الله تسلم الايادي ياغالية طويجين يسهف ويشبع ويدفي ويرعش ياكبدي هذا يبي صوينية وتربيعة ههههههههههه
احلى تقييم ياحلو

[bent libya]

والله كان ودي نعطيك الصونية لاكن راجلي ماخلاني انلحق عليها حتي اني

مرة ثانية انديرة ونتربعوله اني وياك بس وما انقولو لحد ماشششششششي

[أم ميوسة]

ما شاء الله طويجين يهبل يشبه مصلي الدجاج اللي ندير فيه

تسلم ايدياتك حبوبة بصراحة روعة ويستحق التقييم

بارك الله فيك

[أم لينه]

االسلام عليكم ورحمة الله وبركاته

يسلمووووووووووووووو يا عسوله

طاجين رووووووووووووووووووووووعه

صحتين على قلوبكم حبيبتي

[نسمه ليبيه]

عجبنى وقيمته وان شاء الله بنجربه

صحتين

[زهرة البنفسج]

ماشاء الله وصحتين على قلبك

[loen]

ماشالله شكله يسهف وخاصه انا تو نفكر فى غداى وشنو بيديرا ياريت هالصحن جاينى تو زى الرحمه

سلم دياتك

[بنية بوها]

اممممممممممممممم شكلا رووووعة جوعتيني يسلموا ايدياتك

[أم إيناس3]

روعة يسلمو الايادى