[ماك أرابيا] من مطبخ زهورة الأمورة

**أم أيوب** · 12-09-2010, 04:38 PM

السلام عليكم ورحمة الله وبركاته

اليوم حضرت سندويشات الماك أرابيا

الطريقة مضمونة لأانها معتمدة ومجربة مني من أكثر من سنة

مقادير العجينة:

4 أكواب دقيق + رشة ملح + ملعقة صغيرة خميرة بيرة + ملعقة صغيرة بيكنج باودر

ربع كوب حليب + ربع كوب زيت ( يفضل زيت زيتون ) + بيضة واحدة + كوب ماء أو أكثر شوي

الطريقة : تعجن العجينة وتخليها ترتاح ثلث ساعة بعدين كوريها في سفرة مدهونة زيت

الحشوة : صدور دجاج مقطعة شرائح طويلة ورفيعة + بصلتين متوسطات + 3 فصوص ثوم

ملعقة صغيرة فلفل أسود + ملعقة صغيرة زنجبيل + ملح + 3 ملاعق زبادي

طماطم مقطعة مكعبات + زيتون شرائح + خس مقطع + كسبر مفروم

جبنة شرائح + جبنة مبشورة ( أنا خلطت كرافت مع ايدام ) + خلطة مايونيز وكتشب وهريسة

الطريقة: يوضع الدجاج عالنار مع شوية ماء ويترك يغلي نص ساعة لغاية ما يجف

نطحن البصل مع الثوم ونخلطه عالدجاج مع شوي زيت ونخليه لغاية ما يتحمر

نضيف البهارات والزبادي ونخليه شوي يجف ونرفعه عن النار

نفرد العجينة على سطح مدهون زيت

ونشوحها على الطاوة لغاية ما تتحمر شوي مش واجد

نرفعها ونحطها على منشف ونغلفها بنايلون عشان تقعد طرية

و بهالشكل لغاية ما يكمل مقدار العجينة

والباقي واضح من الصور

بعد ما نلف نضغط عليها ونرجعها من جديد للطاوة لغاية ما تتحمر كويس

تقدري بعدين تقطعيها أنصاف أو تخليها زي السندويتش

وهذي صورة غدانا اليوم

وهذي حصة أول من يرد عالموضوع

ملاحظة : تقدري تستخدمي برجر الدجاج بدل طريقتي

بس الطريقة هذي عجبتني أكثر من البرجر

**ليبيا قلبى** · 12-09-2010, 04:44 PM

بجد بجد
يازهوره اتجنن
لما انجى لبيضاء نبيك تعزمينى هاهاهاها
اكلاتك اتجنن
تسلم ايدك
وصحتين وعافيه

نبى نسألك على العصير اسمه
المروج شكله ليبي؟

**اريناس** · 12-09-2010, 05:05 PM

صحه صحه

سلمهاا الفالحه

شكلهن ايممممممممممم

فى انظار جديدك

**أم أيوب** · 12-09-2010, 05:55 PM

المشاركة الأصلية كتبت بواسطة ليبيا قلبى

بجد بجد
يازهوره اتجنن
لما انجى لبيضاء نبيك تعزمينى هاهاهاها
اكلاتك اتجنن
تسلم ايدك
وصحتين وعافيه

نبى نسألك على العصير اسمه
المروج شكله ليبي؟

غالي والطلب رخيص حبيبتي انتي بس تفضلي وندوقك أحسن سندويشات

العصير اها اسماه المروج ليبي

ويجنن بالذات التفاح بالفراولة منه والاناناس

لينا فترة ناخدو منه ويهبل