[ مشاركة في مسابقة لاشرقية لا غربية لقسم الحلويات الليبية ] اللويزة بالكراميل من مطبخ ام هداية

[ام تغريد]

ماشاء الله تسلم ايديك اختي
والله رجعتينا لايام زمان

بس تعرفي والله الفترة الماضية في محل للحلويات وقلت الله علي ايام زمان

وللي يسالو علي الماكينة مارة عليا ومش عادية تشتغل بالكهرباء زي متاع الدونات

لكن وين ؟؟؟؟معاش نتذكر

[ام هداية]

يسلم يدياتك عاللويزة

الله يسلمك

ماشااااااااااااااء الله

والله منضرها يجنن واحلى تقييم

الله يحفظك مشكورة على التقييم

لاقوة الا بالله الله اكبر

فعلا حلويات زمان ليهن نكهه خاصه

بارك الله فيك منورة على الرد

[ميسون]

ماشاء الله ربي يحفظك منظرها ايهبل واكيد البنه احلي

[ام جنى]

الله يسامحك
ليش هذا تعذيب رح تخربى رجيمى
عندى نفس السؤال هلى هى متوفره فى الاسواق
تسلم ايديك

[ام هداية]

ماشاء الله لاقوة الا بالله

لويزة اتهبل سلم ايدياتك أم هداية

والله تجي في الخاطر

بالتوفيق بالمشاركة المميزة

وأحلى تقيييييييييييييم

الله يسلمك ويحفظك مشكورة على التقييم

[ام هداية]

ماشاء الله يا غالية شكلها تحفة

بس قوليلي من وين خذيتي ماكينة اللويزة قالبة عليها الدنيا وشي مالقيتها

ياريت اللي تعرف تقولي

ما شاء الله
نفس سؤال ليبية من وين واخذة الماكينة

منورات اخواتى ربى يحفظكم اما بالنسبة لماكينة اللويزة عندى من زمان لكن انى كنت مسافرة فى تونس لقيتها ايبيعوا فيها فى محلات مستلزمات الحلويات اذا كان عندكم حد مسافر تقدرى توصيه انى كنت فى سوسة ولقيتها فى السوق العربى

وزى ما قالت ام تغريد فى نوعية كهربائية مثل ماكينة الدونات لكن مانعرفش وين ابيعوا فيها فى ليبيا

[ام هداية]

ماشاء الله تسلم ايديك اختي
والله رجعتينا لايام زمان

بس تعرفي والله الفترة الماضية في محل للحلويات وقلت الله علي ايام زمان

وللي يسالو علي الماكينة مارة عليا ومش عادية تشتغل بالكهرباء زي متاع الدونات

لكن وين ؟؟؟؟معاش نتذكر

الله يسلمك اوخيتى كنا استحشنا حلويات زمان بنة وصنة

حتى انى يا ام تغريد اندور فيهم الاثنين ماكينة اللويزة الكهربائية وماكينة الدونات لكن ما لقيتهمش نزلوا فنرة فى السوق وتموا ان شاء الله اينزلوهم من جديد ولوسمحتى لو كان قابلوك قوليللى عيهم على طول

[ام هداية]

الله يسامحك
ليش هذا تعذيب رح تخربى رجيمى
عندى نفس السؤال هلى هى متوفره فى الاسواق
تسلم ايديك

معليشى ام جنى طرف والا طرفين ما يفسدوش الرجيم

الله يسلمك السؤال جاوبت عليه

[ام هداية]

ماشاء الله ربي يحفظك منظرها ايهبل واكيد البنه احلي

الله يسلمك ويحفظك اختى ميسون انت احلى

[روح مغتربه]

ما شاء الله ام هدايه لوزه حقانيه وفكرة الكراميل مش عاديه
يسلموا ايديك وموفقه في المسابقه