[مشاركة في مسابقة لا شرقية لا غربية ] رشدة مبوخة من مطبخ أم الرجال

[مغتربة 7]

بسم الله ماااااااااشاء الله
رشيدة تهبل واتجي فى الخاطر
والشرح وافي وكافي ماشاء الله
تسلم الايادي حبيبة
وموفقة فى المسابقة
احلى تقييم لعيونك

[نسيبة]

ربي يعطيك الصحة ام ارجال
مقاديرك قنينة و اكيد
من ادياتك طالعة حلوة بس الصور مطلعوليش
موفقة ان شاء الله

[الساجدة لله]

رشيته تهبل ياغالية واحلى تقييم لعويناتك ياام الرجال

[أم الرجال]

ام ميوسة
مغنربة7
الساجدة لله
نسيبة

بارك الله فيكم وإن شاءالله نفيدو ونستفيدو

وحنعاود تحميل الصور علي موقع التحميل اللي قالتلنا عليه الاخت زينب

[ام جنى]

والله روعه مشاء الله تسلم ايديك ام الرجال

[نسمه ليبيه]

تصدقى ام الرجال عمرى ماشفت الرشده ولا ذقتها ولا طبختها


وخاطرى فيها ونحن فى الشرق مش كل الناس يديروا فيها ولو انها توه منتشره واجد

وانا خاطرى فيها ونستنى فى صاحبتى بتجينى وتديرها ليا
لكن حسيت روحى انسجمت مع طريقتك وحنجربها فى اقرب روقان

بس لما بوختى الرشده بالكميه كل كميه كم تاخذ من الوقت عشان تتبوخ؟؟

والمرقه مااستخدمتيهش الا اضفتى منها على البصله فقط؟


واحلى تقييم لاحلى رشدة كسكاس

[أم أبرار]

رشده حلوة بكل وشرح وافي
سهفتيني ليك مية تقييم

[أم أيوب]

فجعتيني في هالليل بصوينية هالرشدة

تعرفي منظرها غير عادي يهبل يهبل يهبل

وأكيد طعمتها زي شكلها

سلم ايديك أم الرجال ويعطيك الصحة وتستحقي تقييم معتبر على مجهودك

[أم الرجال]

أم جنى .......بارك الله فيك ربي يسلمك

[أم الرجال]

اقتباس:
المشاركة الأصلية كتبت بواسطة نسمه ليبيه
تصدقى ام الرجال عمرى ماشفت الرشده ولا ذقتها ولا طبختها


وخاطرى فيها ونحن فى الشرق مش كل الناس يديروا فيها ولو انها توه منتشره واجد

وانا خاطرى فيها ونستنى فى صاحبتى بتجينى وتديرها ليا
لكن حسيت روحى انسجمت مع طريقتك وحنجربها فى اقرب روقان

بس لما بوختى الرشده بالكميه كل كميه كم تاخذ من الوقت عشان تتبوخ؟؟

والمرقه مااستخدمتيهش الا اضفتى منها على البصله فقط؟


واحلى تقييم لاحلى رشدة كسكاس



كل كمية تاخد حوالي 10 دقائق تقريباً ...........يعني لما تاخدي منها شوية وذوقيها ما تلقيش طعمة العجينة ..................وبالنسبة للمرقة علي حسب كميتها لو كانت شوية إستخدميها كلها ................ولو كانت هلبة إستخدمي اللي تبيه وباقيها أحتفظي بيه في الثلاجة وأستخدميه في أي شيء ثاني زي المكرونة المبكبكة أو رشدة ثانية ........وبارك الله فيكوإن شاء الله تجربيها وتدعيلي