[مشاركه في مسابقة لا شرقيه لا غربيه]شراب الزميته [روينه ]من مطبخ روح مغتربه

**أم الرجال** · 02-05-2012, 11:04 PM

روح مغتربة

الله عليك أمي عندها السكر ديما نديرولها فيها وتحبها

الله شوقتينى ليها

أني في بلاد وهي في بلاد

دموعي قطروووو

**روح مغتربه** · 02-06-2012, 05:50 PM

اقتباس:
المشاركة الأصلية كتبت بواسطة أم الرجال
روح مغتربة

الله عليك أمي عندها السكر ديما نديرولها فيها وتحبها

الله شوقتينى ليها

أني في بلاد وهي في بلاد

دموعي قطروووو

ايسلمها ربي الحنينه وان شاء ربي يخليلك الوالده ويعطيها الصحه ويجمعكم علي خير

**مغتربة 7** · 02-06-2012, 07:26 PM

ماشاء الله مشاركة مميزة
انحبها الروينة لكن ما نعرفش طريقتها
تسلم الايادي حبيبة
وموفقة فى المسابقة

**زهرة البنفسج** · 02-06-2012, 07:44 PM

ماشاء الله
المنتدى عرفنا باللي مانعرفوه

**خدوج** · 02-06-2012, 09:07 PM

رررررررررررررررررررررررررررروعة
ضقتها مرتين فى حوش سلفى من حوالى 10 سنين او اكثر لتوا بنتها فى فمى
اول مرة ضقتها خشيت فى عالم تانى فى السحاب فى...(زى دعايات الجبنة )ههههههه
بعتهو ها لهم عرب مرزق
ومن يومها وانى ندور طريقتها ولقيتها
فى كتاب سالمة الكرغلى بس ما صدفت معى
اكيد تبى خبرة
لتوا متمنيتها
يسلم يدياتك
وياريت تنزلى طريقتها من خبرة امك ومقاديرها بالتفصيل
واكون شاكرة لك مدى الحياة
ويسلموا ايديك

**ام جنى** · 02-08-2012, 11:46 PM

مشكوره روح تعرفى كنت مريضه عندى هبوط اليوم شربت منها روقتنى

**أم أيوب** · 02-09-2012, 12:41 AM

رويحة يسلمو ايديك

الزميتة عندنا حاجة والروينة حاجة والحويرة حاجة

الزميتة أظني يديروا فيها من القمح والكمامين ومخصوص فيها الكمون العريض

أو زي ما يسمو فيه بالفصحى الشمر

والروينة والحويرة نفس المكونات

الفرق ان الروينة عبارة عن حويرة مضاف ليها حلبة مطحونة

ونقدموا فيها الروينة باردة

والحويرة مشهورة عندنا في التراث الشرقي في عزمة النفاس

يقدموا فيها مع التمر المعصد بالمكسرات وتكون دقيق يغمسوا فيه التمر

وفي اللي ما يحبش الحلبة يدير الحويرة شراب ويشربها بدال ا لروينة