انا قدمتلك الديك الرومى هذا ياريت تقبليه
انا قدمتلك الديك الرومى هذا ياريت تقبليه
شوفى زى ما قالتلك الاخت خليها عالارز والبيتزا والشوربات والمعجنات
لا باس لما تكون دجاجة محمرة محشية مزينة السفرة مرة مرة مش هلبة
هكى هلبة عليك انتى عروس قعدة
حتى حنتك تمشى من المية
بنت حواء بارك الله فيك علي قولتك بيتسا وشربات
اما عصبان استحاله ورده الربيع ربي يعونك وخلاص
[IMG][/IMG]
مبارك عليك وخيتي وربي يتمم لك على خير يارب
أول حاجة طبعاً بتشوفي زوجك شنو يفضل أكلات
وثاني شيء المفروض ما تقعدي وقت طويل بالمطبخ
بالنسبة للأفكار
انتي قلتي انه يحب الطبايخ
يعني يوم اديري بازيليا وهذا وقتها توا ويوم فاصوليا ويوم ادير طباهج
أو استيك لحم بالمرقة مثل الصوص يعني
أو اتيسك لحم لوحده وومكن اديريه زي الشاورما أو كنتاكي دجاج
أو دجاج محمر بالكوشة أو أضلع الخروف بالخضار في الكوشة توفر هلبة وقت
وتقدري اديري ارز طبعاً مع الطبيخة مرة أصفر ومرة مبهر
أو أرز المخلط بالخضار ( المقلوبة )
أو ممكن اديري الرز الأبيض بالمكسرات
والمشقشقات زي البيتزا والمبطن وطاجين الجبن
والسلطات طبعا لازم منها كتنوع مثل السلطة المشوية
وسلطة الباذنجان
وطبعاً أغلب هالأكلات موجودة في المنتدى بس وسعي بالك وابحثي عليها
وزي ما قالت لك خدوج شوفي موضوع شنو الغذاء اليوم
أكيد يفيدك هلبة
بس ننصحك الشهر الأول يكون كل شيء خفيف ولو من برا أفضل
حتى تستمتعي بحياتك وترتاحي وبعدها تبدي في الجديات
وربي يهنيك حبيبة ويجمع بينكم بالخير والمحبة يارب
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
والله يام سارة هذا وقتها تدلع وترتاح هالشهر هذا
وانشاءالله ايامك كلها راحة وعسل
حبوبة تعالي ديري دورة في المنتدى ورح تطلعي بعدة افكار صدقيني المنتدى يزخر بالابداعات
بس حبيت نقولك في نهاية الاسوبع التاني بعد الزواج ديري تورتة متلا وزينيها بالفراولة والكريم شانتيه نوع من التغيير ولو كان الحجم صغير وديري شمعة وحدة واعلني بداية الشهر الاول من الزواج وهكدا وكل مرة ديري حركة زي عزومة بدل التورتة او عشوة برا الحوش مع نهاية كل شهر وانت ودوقك حبيبة
بارك الله فيك ساجده فكره حلوه متاع الطورطه باذن الله انديرها
[IMG][/IMG]
ام ساره صحيتي علي الافكار باذن الله حطيتهم في بالي وسجلتهم خلي ماننساش
[IMG][/IMG]
الف مبروووك يا موني ربي يباركلكم يارب ويجمع بينكم بالخير ويعقد عسلكم يارب
ماشاء الله البنات ماقصروا
الف مبروك و انشالله ربي يكمل عليك بالخير
من اطباق ممكن اديريها
1- لحم (قلاية)مفضلة عند الجميع رجال او لحم مبوخ
او في فرن مع شوية خضرة +سلاطات +ارز +خبزة +شوربة
2-مفروم اسهل حاجة ممكن ديري به كباب او همبرغر او ديره مع معكرونه
3-عدا متنسيش الحويتات (طبعا يكونوا نضيفات تتبيلة و بس)هذاك السيلفر في الفرن علي طول ماتنسيش السلاطات
ربي يهنيك
الذين يشاهدون الموضوع الآن: 1 (0 من الأعضاء و 1 زائر)
المفضلات