طلب لو سمحتولي

[ام ميمي]

السلام عليكم
اخواتي الفاضلات والله في البدايه نشكركم جدا علي مجهودكم وان شاءالله ربي يجعله في ميزان حسناتكم اشكركم جدا علي وصفاتكم والدقه في الشرح اللي انا شخصيا استفدت من هلبا مواضيع ليكم وارجوا انكم تقبلوني معاكم في هالمنتدى الحلو نشكر الاخت زينب محمد خصوصا لانه قداش ليا خاطري في البقلاوه وبفضل شرحها درتها وجت مش عاديه الله يباركلها في صحيحتها وكل الاخوات الفاضلات طبعا راجلي عجباته الفكره وطلب مني المحنشيه انا فاهمه انها نفس البقلاوه لكن يا ريت في شرح وبارك الله فيكم علي كل حال

[أمـ ساره]

مرحبتين بيك وخيتي نورتينا وشرفتينا

وربي يبارك في كل الأخوات على جهودهم الرائعة

وفي صاحبة المنتدى زينب ويعطيها ما تتمني يارب


بالنسبة لطلبك سامحيني اني ما نعرفها

ان شاء الله الأخوات ايفيدوك يارب



حبوبة المفروض مثل هالطلبات تكون في قسم الطلبات والاستفسارات المطبخية

حتى يشوفها العضوات ويردوا عليك

[خدوج]

اهلا بيك ومرحبتين
محنشة زمااااااااااااااااااااااااان
واحسرتاه
قداش ليا عليها
ومانوعدش كان لقيتها
وان شاء الله الاخوات يفيدوك
وينقل لقسم الطلبات والاستفسارات

[ام ميمي]

شكرا اختي خدوج وام ساره علي اهتماكم وردكم والله يبارك فيكم ويكبر مقداركم وبالنسبه اني مفروض نحط موضوعي في قسم الاسئله فكيف ما تعرفي اول مره نخش نشترك في منتدى فاعذروني لو اخطأت لين نتعلموا ولكم مني فائق الاحترام وهيا يا خوياتي نبي المحنشيه هههههههههه وحده مستعجله تحياتي للجميع

[روعـة]

ممكن عرفت شكلها
شكلها ملويه زي هادي



في اللي ايدير فيها كبر الصفره وفي اللي ايدير فيها دايره صغير كبر طرف بس زي هادي






كان هادي نفسها
طريقتها ساهله من شكلها عجينة بقلاوه او القلاش وحشو البقلاوه ومسحة زبده وتلفي علي حبس الغلط اللي تبيه كان تبي ضرف صغير لفي شويه وبعدين لفيها زي الشكل هدا وطيبها وعسلها ورشي عليها شويه لوز او فستك بنتها حلوة ودسمة
وكان لفيتها وماتبيش تنشد معاك شدها بي عود اسنان زي الشكل هدا



اكتبي في القوقل طريقة المحنشة بالصور وخشي علي الصور وتفرجي علي الطريقه في اللي يحشي فيها مفروم خودي منهم فكره لف العجينة بس

ان شاء الله تكون هيا

[الساجدة لله]

بارك الله فيك يارورو جبتيها كفيتي ووفيتي