[الفتات الليبي الجنوبي] من مطبخ ابريكه

[ابريكه]

الفتات الليبي
اكلة ليبية بحتة
الكل في ليبيا يعرفها
لا تخلو مناسباتنا منها
مع البازين والرز والرشدة والكسكسي
نبداء بسم الله
الفتات الليبي
عبارة عن مقدار من الدقيق الابيض والفارينة
اي القمح غير محدد الكمية
ورشة ملح وماء دافئ
وممكن اضيفي الخميرة
في الحالتين تترك لترتاح حوالي ساعة الا
انا عملتها بدون خميرة خبز


ثم تقرص اقراص وتوضع علي صينية او سفرة او طاجين
مدهون بالزيت كويس
ونغطيها بفوطة

ناخذ بالقرص
وندهن المكان اللي بنفرد فية القرص جيد بالزيت
وكل ما اكمل من فرد وحدة اعيد دهن المكان حتي يكتمل العدد
ماشاء الله العجينة تمشي معاك بسهولة

ثم اخذ الطاجين بدون دهن
واضعة بالفرن وافتح علية من فوق
وعندما يسخن
اخرجة وافرد بة القرص المفرود وارجعة للفرن
وعندما اراة قد اخذ لون اقلبة عالجهه التانية
المهم كل الطهي في الفرن من فوق فقط
وهكذا حتي يكتمل المقدار
وفي كل مرة لااااااااااااااااااااااااااااا يدهن الطاجين
ما تخافو لن تلتصق الفطيرة ابدا
وهنا عندما اكملنا كل الاقراص

وبأنتظار ردودكم
كل الشكر لسحابة صيف على موضوعها لكل من حابة تنزل موضوع
أفادني جداً

[الجبليه]

تسلم ايدك ابريكة انموت فى الفتات
غير انا بديرة على القصعه بوي الله يخليه جايبها من الاردن تهبل

[ابريكه]

اسعدني تواجدك الريانية
وربي يحفظلك الوالد ان شاء الله

[أم إيناس3]

يسلمو ايديك يابريكة

[ابريكه]

تسلمي ام ايناس اسعدني تواجدك

[للاهم]

سلمك طيابة
هل تقصدي بالجنوب سبها؟
انا كليت فتات بطبيخة العدس طعمته مازالت في فمي!
تعرفي طريقته؟

[ليبيا قلبى]

تسلم ايدك ياغاليه

[نوارة ليبيا]

الله يسلمك يالغالية ^_^

[ابريكه]

سلمك طيابة
هل تقصدي بالجنوب سبها؟
انا كليت فتات بطبيخة العدس طعمته مازالت في فمي!
تعرفي طريقته؟

اية فتات سبها
واحني انديرو فية بالعدس والبكيوة
اكيد نعرفها هذة طريقتنا بسبها
ومن عيوني انزلك طريقتة
ان شاء الله

[ابريكه]

ليبو نوارتنا
الله يسلمكن اسعدني تواجدكن