الكريما السائلة

[# نور #]

بسم الله الرحمن الرحيم عندي شوية اسئلة :اول سؤال عن الكريما السائلة هل هي موجودة في طرابلس والا نجيب البودرة العادية اللي هيا كريم شانتي وندوبه في حليب وتكون نفسها السائلة ؟هل الشربة العربية هي نفسها الشربة العادية ؟ يعني هل في شربة عربية وشربة غير عربية ؟وايضا شن هي السلاطة العربية ؟وشكرا ليكم

[أم أبرار]

أني أنفيدك على حسب معرفتي الكريمة اعتقد إنها شانتيه مذوب زي قولتك والشربة العربية هي الشربة الليبية والسلاطه هي العادية اللي خس وخيار وطماطم
وإن كنت غالطة ممكن الأخوات يفيدونا

[أمـ ساره]

بالنسبة للكريمة السائلة موجودة في ليبيا وفيه منها للحلوات وفيه للطبخ لكن للأسف ما نلقى فيها يمة وخاصة هالفترة بالنسبة للشربة العربية هي نفسها شربتنا المعروفة أما السلاطة العربية فهي زي ما قالت أم ابرار خيار وطماطم وفلفل حار متبلة بالزيت والملح ومرات ينزاد لها ماء وتكون عشاء في الصيف تبرد

[# نور #]

أم ابرار وأم سارة بارك الله فيكم وجزاكم الله كل خيرأم سارة لو درت البودرة ودوبتها في حليب تعطي نفس المفعول والطعم والا تفسد طريقة الحلو ؟ لاني ملقتهاش .

[sweet nona]

والله سؤال مالقيتش اجابتهالا من فترة والحق ماشفتشبروحي اختي قالتلي عليهافي سوق المهاري تلقيهاللحلو والحار وانشالله حتى اني بنمشي انشوفها وكان امشيتيقبلي والقيتيها قوليلي ههه

[أمـ ساره]

حبوبة اليوم خذيتها من سوق الثلاثاء وعندهم هلبة أنواع

تأكدي انك تاخذي الخاصة بالحلويات

بالنسبة لسؤالك تقريبا ما يمشي الحال لأن الكريمة السائلة

أثقل من الشانتي الا لو ضربتيها لكن اني مش مجربتها

وما نقدر انأكدلك ان شاء الله البنات ايفيدوك لو عندهم خلفية

[الساجدة لله]

بارك الله في الاخوات

[أم الرجال]

أختي نور ....

بالنسبة لسؤالك الاخوات كفو ووفو........

لكن أني مجربتها طريقة تذويب الشانتيه في الحليب.......

والله ما تنفع....

مش تفسد الحلو .............

لكن ماتعطيش النتيجة المطلوبة.............

[# نور #]

اقتباس:
المشاركة الأصلية كتبت بواسطة sweet nona
والله سؤال مالقيتش اجابتهالا من فترة والحق ماشفتشبروحي اختي قالتلي عليهافي سوق المهاري تلقيهاللحلو والحار وانشالله حتى اني بنمشي انشوفها وكان امشيتيقبلي والقيتيها قوليلي ههه


بارك الله فيك حبيبتي وان شاء الله لو مشيت ولقيتها بنقولك اكيد

اقتباس:
المشاركة الأصلية كتبت بواسطة أمـ ساره
حبوبة اليوم خذيتها من سوق الثلاثاء وعندهم هلبة أنواع

تأكدي انك تاخذي الخاصة بالحلويات

بالنسبة لسؤالك تقريبا ما يمشي الحال لأن الكريمة السائلة

أثقل من الشانتي الا لو ضربتيها لكن اني مش مجربتها

وما نقدر انأكدلك ان شاء الله البنات ايفيدوك لو عندهم خلفية



بارك الله فيك أم سارة ربي يحفظك وألف شكر على الافادة الرائعة .

اقتباس:
المشاركة الأصلية كتبت بواسطة الساجدة لله
بارك الله في الاخوات



فعلا بارك الله فيهم استفدت منهم هلبببببة

اقتباس:
المشاركة الأصلية كتبت بواسطة أم الرجال
أختي نور ....

بالنسبة لسؤالك الاخوات كفو ووفو........

لكن أني مجربتها طريقة تذويب الشانتيه في الحليب.......

والله ما تنفع....

مش تفسد الحلو .............

لكن ماتعطيش النتيجة المطلوبة.............



بارك الله فيك أختي ام الرجال انقدتيني لاني كنت بنجرب كيكة حورية المطبخ قداش خاطري فيها لكن على خاطر الكريما السائلة قلت نسأل قبل ما نجرب والحمدلله اني سألتكم ، كل الشكر ليك

[نسيبة]

بارك الله فيكن اخواتي الكريمات
نعم تلاقيها في سوق الثلاثاء ة العاشوري و المهاري و مرات حتى بعض المتاجر الاخرى شوفتها عندهم
وعند خفق الكريما السائلة حبوبة
يستحب ان ان باردة .
و كان تبي تضيفها لاي صنف حلو
و لا حار انت و راحتك بعدين