[البيتزا المقلية] من مطبخ سحابة صيف

[سحابه صيف]

السلام عليكم ورحمة الله وبركاته
البيتزا المقلية


طعمتها روووووووووعه وبسيطه وساهلة ومتمصش الزيت نهائي
المقادير :
العجينة
كوبين ونص دقيق +م ص خميرة فورية +م ص ملح +م ص سكر+كوب ماء دافي +2 م ك زيت زيتون

الحشو:
صالصة بيتزا + لحم مفروم مطبوخ +زيتون مقطع شرائح +جبنة مبشورة
لقلي زيت ذرة
الطريقة :
نخلط الدقيق وسكر وملح وخميرة جميع وبعدين انضيف الزيت ومن تم الماء الدافي بشوي لين نتحصلي علي عجينة متماسكة


انخليها تخمر لين ايتضاعف حجمها
وفي اتناء دالك انحضرو الصالصة وهي ناخدو حبة طماطم وحبة بصل وفصين توم وفلفل اخضر وزعتر وملح وطماطم معجون وفلفل احمر بودرة وكركم وشوية زيت وانحطهم كلهم في خلاط وانخلطهم


وبعدين انحطهم علي في طنيجرة علي النار لين تختر
وانا اندير في كمية كبيرة وانحفطها في فريز

وبعد متخمر العجينة وانكورها الي كويرات وبعدين
ناخد كا كورتين ونفردهم كل وحدة بروحها ناخد وحدة منها واندهنها بصالصة وبعدين المفروم بعدين زيتون وبعدين جبنة مبشورة


وبعدين انغطيها بدائرة التانية وانسكرها كويييييس
وهكدا لين انكمل المقدار كله وبعدين نقليه لين تتحمر





[وبعدين نقلبها علي جها التانية


وانحطها علي مناديل المطبخ شوي وبعدين قدميها






الصراحة طعمتها رووووووووووووووعة وتستاهل التجربة
ولكم اجمل تحياتي
ومتنسونيش من دعواتكم الطيبة
واي سوا انا جاهزه
دمتم بود

[طمطم]

ماشاء الله شكلها شهي جدا... نجربها ونقولك إن شاء الله

[أم أيوب]

فكرة جديدة سحابة والباين انها روعة زيك يا عسل

باذن الله نجربها ونحط تطبيقي ليها

سلمت ايدياتك يا سمحة

[فضااوي]

روووووووووووعه

تسلم الايادي غاليتي

[ليبية]

سلم ايدياتك فعلا الطريقة مش عادية واني مجربتها بالقطاعة متع الفطاير يعني تطلع هلال او نص دائرة

الله يوفقك ويعطيك الصحة

[نوارة ليبيا]

ماشاء الله شكلهااا روعه

حنجربها باذن الله

[السمحة]

تسلم ايديك روعة واول مرة نشوفه

[ليبيا قلبى]

ماشاء الله
تسلم ايدك

[أمـ ساره]

ماشاء الله شكلها يهبل

سلمت ايدياتك يا غالية وربي يبارك فيك

[الساجدة لله]

سحوبة البيتزا روعة بااذن الله نجربهاتسلم الايادي