[عصير الجزر] من مطبخ سحابة صيف

[سحابه صيف]

السلام عليكم ورحمة الله وبركاته
اليوم حبيت انوريلكم طريقتي في تحضير عصير الجزر
المكونات :
جزر +سكر +ليم كيني +(أي نوع من الفواكه الموجودة عندي ولو معندكش ليم كيني ديري حتي ليم قارص ) انا درت معه تفاحة وحبة كمتري
ناخد الجزر ونقرطه صغير وانحطه في طنجرة علي نار لين ايلين شوي

وبعدين انخليه يبرد شوي وانحطه في الخلاط مع الفواكة والسكر وانخلطة زييييين

وبعدين انقدمه طعمته روووووووعه ويستاهل التجربة

وان شاء لله يعجبكم

[Om Amory]

[ليبية]

يعطيك الصحة ان شاء الله نجربوه

[فضااوي]

صحتين وعافيه يالغلا

يسلموووووووووووو

[نوارة ليبيا]

تسلما لأيادي عصير روعه ^_^

[ابريكه]

نموت فية عصير الجزر سلم يدياتك منعش منعش

[الساجدة لله]

تسلمي سحوبة والعصير رائع جدا حبيبتي تتهني يارب وصحة وهنا على قلبك

[أم أيوب]

سلم ايديك وتوة موسم الجزر

بس سؤال شن هو الليم الكيني؟؟

في الصورة في ماندلين هو الكيني؟

[سحابه صيف]

سلم ايديك وتوة موسم الجزر

بس سؤال شن هو الليم الكيني؟؟

في الصورة في ماندلين هو الكيني؟

اهلين حبوبة اليم الكيني الي قشرته ساهلة فيسع ميتحول والي مصوراته في الصورة وفي الي ايقوله يوسفي

[أم أيوب]

اهلين حبوبة اليم الكيني الي قشرته ساهلة فيسع ميتحول والي مصوراته في الصورة وفي الي ايقوله يوسفي

نحن نقولوا عليه ماندالين

ولد عم البرتقال