طلب مساعده

**am yosef** · 02-24-2012, 11:56 PM

اريد طريقه صحيحه ومضمونه لطبخ الرز الابيض البلاو لاني انديرفيه يطلع يابس ومشكورات خواتي

**نسمه ليبيه** · 02-25-2012, 12:02 AM

السلام عليكم اختى ام يوسف

الرز بلاو يطلع يابس معناها انت تقللى فى كمية الماء

باهى شن رايك امسكى مثلا نص كاس من المرقه ولما تحطى الرز ويغلى ويمص الماء طبعا تنقصى عالرز ولما قريب يطيب تشوفيه لو حسيتيه يابس زيدي من المرقه اللى انت ماسكتها

وفى اختبار نحن نديروا فيها لما تحطى الرز وقبل مايبدا يغلى تحطى فيه مغرفة اللوح واقفه لو وقفت جامده على طول زيدى شوى ميه ولو حسيتى المغرف مش ثابت وكانه يبى يطيح نقصى من المرق

وان شاء الله الاخوات اللى عندهم افكار اخرى ينوروك

**دانية** · 02-25-2012, 12:13 AM

ياعزيزتي ..عشن ايكون الرز مضمون انت احسبي على كل كيلو رز .كيلو وربع مرق..هذي طريقة مضمونة ..

**am yosef** · 02-25-2012, 12:35 AM

اختي نسمه ليبيا انا اندير في نفس طريقه المغرف لكن ايجي يابس ولاصق في بعضه وكان زدت ميا يعجن وانا نبيه رطب ومش معجن وهل المشكله في كميه الزيت ومشكوره اختي على الرد وللاخت دانيه

**الكتومه** · 02-25-2012, 01:22 AM

حبيبتي هذه طريقتي وجربيها وادعيلي طبعا ممكن برضوا ايجي منك يابس علشان امكثره زيت لو حابه اديري كيلوا رز حطي عليه ربع كوب زيت وبالنسبه للرز احسبي بكاس نفس مقدار المرقه مقدار الرز بالضبط ووطي عليه على الأخر وشوفي النتيجه

**أمـ ساره** · 02-25-2012, 01:34 AM

حبوبة

أول شيء يعتمد على نوعية الرز متاعك الي تستخدمي فيه

واني نفس طريقة الكتومة لكن في الرز الكركب مش الطويل

وما اديري زيت في الاوليا دوب شوي بس

وبعدها لما تحسيه قريب يطيب حطي عليه زبدة وحركي بالشوكة وهو قاعد في الطنجرة

وطفي عليه وخليه يتمصص حوالي 5 دقايق بس تنتبهي له

ولو تبي طريقة أريح ديريه زيالرزالمسقييعنيبوخيهفيالكساكاسزي طريقة الرز العادي

والطنجرة ديري فيها مية سخونة وتبليها بالقرنفل والقرفة والفلفل الأسود والملح

ولو تبيه أصفر كثري من البزار وحببيه بالمية نفسها

اني لما عندي ضيوف اندير فيها

أما لو كان مقدار بسيط انديره في الطنجرة عادي

**am yosef** · 02-25-2012, 01:58 AM

مشكوره اختي الكتومه واختي ام ساره وحنجرب طريقه الكسكاس وبارك الله فيكن

**mony** · 02-25-2012, 02:18 AM

اهلين اختى حنقولك طريقتى معتمدتها على طول ويجينى الارز حلو طبعا الارز الحبة الطويلة ناخد شوية زيت فى الطنجرة ونقلى فيه شوية بصل مع بهارات بعدين نقلى الارز معاه ونكون مكيلة يعنى طاسة الارز بطاسة ونص مرقة دجاج وانت زيدى فى الكمية زى ما تبى بعد ما يغلى نوطى النار ونخليه لما نعرفه شبه طاب نحطله زبدة ونحركه فى الاخير باش مايتكسرش .