[سندوتشات بيتية ]من مطبخ sweet nona

[sweet nona]

السلام عليكم
كيف حال الجميع
http://www.libyan-kitchen.com/kitche...ead.php?t=3995

سندوتشات بيتية بكفتة ام هداية

والرابط السابق هو طريقة الكفتة

اما عجينة السندوتشات هي
5 اكواب دقيق
1م ك خميرة خبزة
1ك حليب دافي
1ك ماء
3 م ك سكر
1 م ص ملح
ربع ك زيت زيتون
2 م ك بزار

المقادير:

نخلط المقادير السابقة الى ان تتكون عجينة ونخليها نص ساعة تخمر
في هالوقت انكونو جهزنا الكفتة

ودرت معاها نوع من الحشوة
وهي
ملفوف مقطع
بطاطا مشوية بزيت زيتون وطيبتها فالكوشة
طماطم اخضر +هريسة+زيتون بيتي

بعد تخمر العجينة انقسمها وانكورها بحجم كبير
وانستفها فالطاجين وندهنها بالحليب والسمسم على الوجه
وانخليها حاجة ربع ساعة تانية
وانحطها فالكوشة

طبعا بنشكر خبزتي عاد
هههههه
جت خفيفة وتبي الحشوة بس
وجي وقت كفتى ام هداية مع البطاطا والهريسة

والطاجين التاني قسمتها بين نصين وهادا شكلها

وسلاااامات

[أم أيوب]

جن في وقتهن جيعااااااااااااااااااااانة

سندويشات يهبلن يا سويت وطالعات مش عاديات

سلم ايديك

[sweet nona]

تسلمي ام ايوبي
هي اتفضلي هي
ماكش برانية
هههه

[الساجدة لله]

بسم الله ماشاء الله لاقوة الابالله

حبيبة السندوتشات يجننو وريحة الكفتة او الكباب واصلة لعندي يمي يمي وتستحق التقييم ياعسل

[sweet nona]

سجودة مشكورة عالتقييم
ونورتي

[زهرة البنفسج]

ماشاء الله شكلهم مش عادي بالصحة على قلوبكم

[أم لينه]

بارك الله فيك حبوبه

[أم لينه]

ماشاء الله لا قوة إلا بالله خبيزات تهبببببببل

[بنت حواء]

ماشاء الله على اللون الأصفر الفاقع في الخبزة...... فكرة حلوة ومغرية........سندويتشات روعة
سلمت يداك

[أمـ ساره]

ماشاء الله لاقوة الا بالله

خبيزات ايهبلوا سلم ايدياتك الحلوة


ونحبه البزار في العجاين صحة ليك والله


بس المفروض حطيتي تطبيقك في موضوع بروحه حتى ياخذ حقه


بالهني والعافية على قلب كم كلاها