[ استفسار ] مكونات التشيز كيك

[مني المهدي]

من فترة وأنا بنديرتشيز كيك وعلي

مادورت علي الجلاتين ألي بدون نكهة

مالقيته مزال سوق العماري بقارقارش

ومشيت أمس لسوق المهاري ولقيت كريمة

أسمها فوستر كلاركس وندر ويب تنفع

الكريمة هده لتشيز كيك ولا لا ؟ وهي

نفسها كريمة دريم ويب حتي هيا ناقصة

ومنالقاش فيها ,ونقدر نستعمل حلوي الجلاتين

بالنكهة أنا عندي بنكهة التوت في الحشوة مع

الجينة والكريمة أولا ؟ ولقيت مربي في سطل صغير

بنكهة الفراوله مع مكعبات الفراوله مربي سايل

شويه نقدر نستعمله لوجه التشيز كيك

ولا كيف راني بنهبل وخاطري أنديره

بروحي بالله ردو عليا ضروري

[أمـ ساره]

مراحب وخيتي

أول شيء ما تعقدي روحك التشيز كيك ساهل وما يحتاج تخميم او لازم كل شيء

يكون زي الطريقة الي عندك

بالنسبة للجيلاتين هو يفضل السادة بدون نكهة لكن حت بالنكهة يمشي حاله

وتلقيه في سوق زاد الاسرة في سوق الجمعة قريب من سوق العاشوري


وبالنسبة للكريما تقدري تستخدمي دريم ويب او شانتيه عادي

ولو تبي السائلة تلقيها في سوق الثلاثاء اني خذيتها الفترة الي فاتت من عندهم

تلفقيها بجنب الاجبان في الجهة الي مقابلتها بالضبط


وبالنسبة لصوص الفراولة

تقدري تاخذر فراولة طازجة وتوا وقتها اديريها صوص

وممكن تستخدمي الصوص الي قلتي عليه وحلو انه فيه قطع فراولة المهم تكون بنته حلوة


وتقدري بدل الفراولة اديري شوكلاته أو كراميل عادي

وان شاء الله نكون أفدتك حبوبة

[أم ميوسة]

السلام عليكم ورحمة الله وبركاته

بالنسبة للكريمة تنفع الكريمة اللي قلتي عليها بس زيدي معاها قشطة

والجيلاتين يبيعوا فيه في زاد الأسرة في سوق الجمعة زي ماقالت أختي أم سارة أنا كنت نأخد فيه من غادي

والنعتة متعه تخلي سوق العاشوري عغلى يمينك وتاخدي اول شارع على اليسار باتجاه الترسانة

تلقيه على اليسار بردوا المحل قبل محل خضرة صغير

وحتى في سوق الاء في السياحية مقابل ماركس اند سبنسر يبعوا فيه غادي

وبالنسبة للصوص اللي قلتي عليه انا مجرباته في التشيز كيك حلو يجي فوقها هو تقريبا مربى تركية


وزي ماقتلك ام سارة التشيز كيك ساهل ما تعقديش روحك

[مني المهدي]

بارك الله فيكم أم ساره وأم ميوسة ,درت التشيز كيك بطريقة الأخت شدي 2004 أضفت حلوي الجلاتين مع خليط الكريمة والجبنة وزوجي ماحصلش فراولة طازجة الأ تاني يوم درت علي الوجة طبقة من التوفي وجاني الحق تشيز كيك حلو وقنين وهدا بعد فضل الله يرجع الفضل ليكم علي تشجيعكم وهونتو عليا الموضوع وكسرت حاجزالتشيز كيك والحمدالله وأنا شاء الله نمشي لسوق زاد الأسرة وسوق ألاء يعطيكم الله ماتمنو ياأم ساره وياأم ميوسة

[um mahmud]

السلام عليكم ،أرجو منكم أن تاحطاطو من الجيلاتين فهو مصنوع من أظافر وجلد الخنزير (عفاكم الله)

[sweet nona]

ام محمد
لين اشمئزيت من هالمعلومة
ارجو لو عندك فكرة اكتر
وضحيلنا هالمعلومة
لانها ممكن تغير هلبا حاجات
ارجو الرد

[نجوته]

ياربي اللطف والعفو

شني هالكلام

من طول عمرنانستخدمو فيه

بالله لو عندك معلومات دقيقة وثوابت جيبهالنه

راهو اركبنا الشك فيه

[أم ميوسة]

انا نفضل لما نشري في الجيلاتين يكون مكتوب عليه الجيلاتين النباتي أو حلال

وانتم لما تشروه اسألوا على مصدره أو اقروا اللي مكتوب

[sweet nona]

مشكورة ام ميوسة عالرد

[أم أيوب]

سويت ندير فيها التشيز كيك من دون الجيلاتين

نستخدم في دريم ويب او الشانتيه بالكيلو ونخليها غليظة مانخليهاش سايحة

حتى انا سامعة حاجة زي هكي عالجيلاتين من زمان والحق عمري ما استخدمته

صوص القراولة في مربى التوت أو الفراولة بالقطع حلو بكل يجي عليها

أو زي ما قالتلك ام سرورة ديري الصوص في الحوش