[ تبريكات ] اشتريت فرن غاز

**ام ثواب** · 03-05-2012, 07:42 PM

اليوم حطيت شنبيري تحت باطي وطلعنا طططططططططططططططول علي محل الاجهزه الكهربائية وماشاء الله اان شاء الله الوطن ديماعامر وخيره واجد يارب ويهدي سر الليبين ويبعد عنهم عيون الشامتين قولن أمين
المهم حطني قدام الكوشة وانا مدايرة عيون من الاجناب ومن الخلف وااااااااك عليا قالي يامرا ركزي معايا علي الكوشة قتتتله نعم المهم رسيت علي فرن غاز بس 675 دينار حتي و العين مايملاها الاالتراب وكوشة 970عجبتني كبيرة * وتهني وامتاع الغاز والهرباء مشاء الله لكن قلت بعد مشاورات كوشتين منفصلات افضل من وحدة من ناحية الاستفادة وو والطواجين وسرعة الشغل المهم خذيت كوشة الغاز وصلت توا ها الوقت بالسلامة وشريت مكنسه كهربائيةتغسل السجاد والارضيات وفي نفس الوقت مكنسه غبار نوعيتها ماركة كوداما وغلاية ما سعة 1700 هومر 36 دينار والمكنسة ب285 دينار والغلاية لقيت بوش 75 قال شنبيري خلاص اطلعي والله ماعاد عندي قرش في جيبي وخذالي هومر وتوتة ت وتة خلصت الحدوته

**sweet nona** · 03-05-2012, 08:23 PM

الف مبرووك
وانشالله تبيديهم بالهني
وصوريلنا حاجاتك الي شريتهم
وبلاخص كوشتك
والمكنسة الكهربية الي قلتي عليها
وانشالله بالصحة عليك
اتبيديهم ولا ايبيدوك
:d

**زهرة البنفسج** · 03-05-2012, 09:26 PM

الف الف مبروك واتبيديها بلهني
اه عاد صورينا الاجهزة مش تنسي
وربي يحفضلك الشنبيري

**أمـ ساره** · 03-05-2012, 09:34 PM

ماشاء الله لاقوة الا بالله

مباركات مسعودات عليك حبوبة

تبيديهم بالهني ان شاء الله

شكلك زيني ما تطلع وتاخذي حاجة وحدة

وعلى قولتك العين ما يملاها الا التراب

ويالا صوريهم ونزليهم وكل يوم نبوا أكلة جديدة

ماعندك عذر الكوشة وعندك 2 ماشاء الله لاقوة الا بالله

**ام سحر** · 03-06-2012, 12:31 AM

دوم عليك شنبيرك..ومبروك عليك ما شرتي
تبيدي بالهني وبالزيادة

**نجوته** · 03-06-2012, 12:42 AM

آآآآآآآآآآآآآآآآمين علي الدعوة الحلوى

وربي يحفظلك شمبيرك ويونسك بيه

وتبيدي بالهني والعافية

**ام ثواب** · 03-06-2012, 07:44 AM

المشاركة الأصلية كتبت بواسطة sweet nona

الف مبرووك
وانشالله تبيديهم بالهني
وصوريلنا حاجاتك الي شريتهم
وبلاخص كوشتك
والمكنسة الكهربية الي قلتي عليها
وانشالله بالصحة عليك
اتبيديهم ولا ايبيدوك
:d

يعطيك الصحة ويرزقك زي مافرحت تفرحي وانتي شاريه خير منهم

**ام ثواب** · 03-06-2012, 07:46 AM

المشاركة الأصلية كتبت بواسطة زهرة البنفسج

الف الف مبروك واتبيديها بلهني
اه عاد صورينا الاجهزة مش تنسي
وربي يحفضلك الشنبيري

سلمهن ياربي وعطيهن احسن مما عطيتني والصور من غير ما اتقولن يومين ويكونن عندكن

**ام ثواب** · 03-06-2012, 07:47 AM

المشاركة الأصلية كتبت بواسطة أمـ ساره

ماشاء الله لاقوة الا بالله

مباركات مسعودات عليك حبوبة

تبيديهم بالهني ان شاء الله

شكلك زيني ما تطلع وتاخذي حاجة وحدة

وعلى قولتك العين ما يملاها الا التراب

ويالا صوريهم ونزليهم وكل يوم نبوا أكلة جديدة

ماعندك عذر الكوشة وعندك 2 ماشاء الله لاقوة الا بالله

بارك الله فيك ورزقك صلاح الذرية ومن عيوني حانصورهن لكن وبالنسبة للكوشة خذييت بس الغاز لان عائلتي وعزوزتي بالاخص تحب الخبز البيتي وبالذات خبزة التنور حتي هو(التنور) صورتة وتوانزل معه الطريقة وزوج يموت في المعجنات وهي ماتصلح غير في فرن الغاز وتجي طيبة المهم ماتخافيش امبارح قتله تخيل فوق من كوشة الغاز نركبوا كوشة الكهرباء زي امتاع الشيفات يعييييييييييني وخيتك عجبنها المطابخ اللي في التلفزيون وقلت طرف طرف نين انركبة بس ادعيلي وان شاء الله عقبالك تشري افضل منهم[/size][/size][/color]