[ خبز البرجر] من مطبخ سديم

[سديم الفجر]

السلام عليكم ورجمة الله وبركاته



اليوم جبتلكم طريقة حلوة لعمل خبز البرجر وجربتها وعجبتنى
وان شاء الله تعجبكم

مقادير الخبز :
2كوب دقيق +3 ملاعق كبيرة حليب بودرة + 1/4 كوب سكر + ملعقة كبيرة خميرة فورية+ كوبين إلا ربع ماء دافئ


تخلط جيدا مع بعض وتترك لمدة 10 دقائق



وبعدين نضيف عليها
شوية ملح + 1/2 كوب زبدة + 3 أكواب دقيق


وتخلط جيدا وتترك لترتاح


وهذا بعد مارتاحت

وبعدين قرصتها وحطيتها تترتاح شوية فى الطاجين ودهنتها بصفار البيض ورشة كمون اسود ودخلتها الفرن على درجة حرارة 180 لمدة 25 دقيقة


وبعد ما طلعت من الفرن لفيته فى فوطة مطبخ نظيفة شوية باش ارطابت شوية
وهذا الخبز



وتوا نجو توا لطريقة عمل برجر اللحم
خذيت لحم مفروم وأضفت عليه بصل مفروم وثوم مفروم وشوية فلفل اسود وملح وخلطتها كويس

وبعدين خذيت شوية من الخليط وشكلته على شكل دائرة وطرحته على نايلون كما هو موضح بالصورة

وبعدين قليتها فى شوية زيت
وحضرت الحشوة والتى تتكون من :
اللحم + خس + هريسة ليبية +بيضة مقلية + جبنة شرائح + كتشب
وهذه هي النتيجة



وصحتين وعــــــــــــــــاااافية

[المصراتيه]

ماشاءالله يعطيك الصحه
خبيزه مش عاديه
تسلم يدياتك

[الصابرة]

تهبل حبيبتي تسلم دياتك شكلها لذيذ ومشهي

[Om Saga]

تبارك الرحمن عليك
شرح مفصل وحلو
والباين إنها روعة
تسلم إيدياتك يارب
أحلى تقييم لعيونك

[نسمه ليبيه]

من زمان ندور عليها تسلم ايديك

[Om Amory]

يسلمووو ايديك

شكلها حلووو

[مغتربة 7]

بسم الله ماااااااشاء الله
خبزة اتجي فى الخاطر
تسلم الايادي
تستاهلي التقييييييييم حبوبة

[sweet nona]

وااااااااااااااااو
طريقة اندور فيها
فيها في السماء لقيتها
في المنتدى ههه
قصدي فالوطا
مش عادية
تسلم ايديك
واحلى تقييم

[بنت حواء]

ماشاء الله خبزة مشهية والبورجر والساندويتش كله مشهي سلمت يداك

[سديم الفجر]

شكــــــــــــــــرا حبوبااااااااااات على تقييمكم
بارك الله فيكم