[استجواب في المطبخ]

**مغتربة 7** · 03-12-2012, 02:54 AM

اول شي نبي نشكر اختي سويت على الموضوع الراائع
ونشكر حبيبتي ام سارة على البقلاة وياريتها عندي حق
ونشكر زهورة على اختياري
وسامحوني على التاخير كنت مريضة

نبدأ بالاسئله ::

1/ متى أول مره بديتي تطبخي؟

بصدق معاش نتذكر لكن كنت فى العدادي

2/ شنو أول شي طبختيه ؟

مبكبكة

3ماردت فعل اللي طبختيلهم واكلوا من أكلك لأول مره؟

معاش نتذكر بالزبط بس كانوا الاهل يشجعوا فيا

4/ ماهو شعورك من خلال أول ردت فعل؟

كنت فرحانة واخيراً بديت انطيب

5/ هل مازلتي تطبخي حتى الأن؟

طبعاً طبعاً طبعاً

6/ تحبين المطبخ ولاّ لا ؟

ايه نحبه اني وياه عشرة عمر

7/ موقف طريف مر عليكِـ أثناء الطبخ ؟

هلبة المواقف لكن راح انقوللكم على واحد
مرة كنت اني وسلفتي حبيبتي فى حوشها وتقريبا كان الحال حال رمضان
قدمنا الشربة من غير حبوب من كثر الاستعجال ههههههههههههه لكن ضحكنا يومها

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

كنت لا بس توا نادمة لانه مستحيل يدخل المطبخ

9/ احسن طبخه تحبيها وتنصحي كل العضوات بتجربتها؟

بصراحة سؤال محير لانه احسن طبخة بصراحة فى هلبة طبخاات طبعا الاكل الليبي
والعربي من الاكل العربي نحب المقلوبة لحم بعجين فتووش

10/نصيحه منك للمبتدئين في المطبخ؟

لا يأس مع التجربة هههههههه لو فشلتي مرة واتنيين عادي استمري

ضعي لنا احد الطبخات اللي طبختيها ولو سلطه " ان امكن ".

*اختاري ثلاث من الاكلات او المشروبات واهديها لأحد من العضوات

1- اهداء للعضوة الاولى

ام ميوسة مقروض

2- اهداء للعضوة الثانية

سجودة رشدة مبوخة

3- اهداء للعضوة الثالثة

خدوج فتات مصراتي

ونختار فنان

**sweet nona** · 03-12-2012, 03:46 PM

طيب فينا وصلت مغتربة

هلا بيك نورتي

شكراا ليك اختي عالاطراء الحلو
في الاعدادي بديتي
باهي مش زي ام سارة
وزهرة البنفسج

اوووو
شربة من غير حبوب
هههههههه
اكلات جديدة والله
وصفة مش عادية تو انجربها
ههههههه

اسعدني تواجدك
وردودك
وانشالله لاباس عليك
ومااطولي الغيبة

وتوا بنمشي

اندور فنان

انشالله ماتدوخني

**sweet nona** · 03-12-2012, 04:45 PM

مشكووووووورة

عالمالفي
يميميميميم
والبكلاوة الصح
وووك عليا صايمة
مادرتي فيا خير

تسلمي زهورة
صحيتي

**sweet nona** · 03-12-2012, 04:51 PM

اخواتي
ابتداءاا
من فنان
نبي كل وحدة منكم
بعد اتحط صورة
الطبق المفضل عندها

تحط صورة الطبق
الي تهديه
لكل عضوة من العضوات الثلاثة
باش الموضوع
يكون شيق اكثر
وعندكم المنتدى ماشالله
ماألذ وطاب
ماتحيروش

وهيا يافنان

اكيدة حتقولينا
درت
البسبوسة من غير سميد
هههههههههههه

تعليقاتكم ماتحرمونا منها

**الساجدة لله** · 03-12-2012, 05:00 PM

الموضوع عجبني هلبه هلبه ونشكرا كل عضوة في المنتدى الحنون بعضواته وعطائهم الدائم بلاحدود بصراحة شئ مشرف للليبيا كلها انتم نوارة وزهرة المطبخ الليبي

زماننساش كل وخية هدتلي حاجة الصراحة لساني يعجز عن الشكر او الوصف بالاحساس اللي حاسة بيه وهده اموووووووووووه ليكم كلكم

**فنان** · 03-12-2012, 05:05 PM

اول شئ لاباس عليك يامغتربه7

وشكرا علي اختياري

نبدأ بالاسئله ::
1/ متى أول مره بديتي تطبخي؟
يمكن في الثانيه اعدادي
حي شفت زهرة البنفسج وام ساره تحشمت
2/ شنو أول شي طبختيه؟
بسكويت او كيك
المهم حلو
3ماردت فعل اللي طبختيلهم واكلوا من أكلك لأول مره؟
هييئ بين مشجع شاكر ومشجع ناقد
لكن في النهايه تشجيع ههههه علي قولهم

4/ ماهو شعورك من خلال أول ردت فعل؟
ريقي يجف ومعش نتبنن في الماكله هههه انخاف
( من التعليق)
5/ هل مازلتي تطبخي حتى الأن؟
اكيد بالله خلي ندلع كم شهر هادو
قبل مانولي مدمنة مطابخ

6/ تحبين المطبخ ولاّ لا ؟
لين خالص سوا تطيب ولا ضمان
7/ موقف طريف مر عليكِـ أثناءالطبخ ؟
هو موقف مع اكله وحده وهي بسكويت الكسترده (النحس)ههههه اول مره طيبته
كثرة Bp ولا كيكه ههههه
وثاني مره طيبته ولا بشكلاطه (اكيد فهمتوني)
وثالثه اجتماع الأولات (كثرة Bp وقويت الحراره طاب من بره بس)
وسميته بسكويت (النحس )والمضحك انا الاخطاء الثلاثه في نفس اليوم هههههه
وطريف في الموضوع ان
وبعد سنين من نسيان درته امس وصار نفس الشئ لكن درته مرتين وحلفت علي الثالثه وعلي قد مزعلت ضحكت لان لقيت روحي كما اني بنفس اخطائي ورتسمت علي كل الحوش ضحكه بذكريات الماضي
لكن والله الما انديره وانصوره وبجي كويس
وكان سمعتو الكسترده كملت من الاسواق اعرفو انه مني هههههه

8/ هل تؤيدين دخول زوجك او اخوك او ابوك للمطبخ
لمساعدتك او ليطبخ عنك ؟
عادي بشرط بدون تعليق
9/احسن طبخه تحبيها وتنصحي كل العضوات بتجربتها؟
رشدة الكسكاس والبيتزا

10/نصيحه منك للمبتدئين في المطبخ؟
خوشو للمطبخ وحاولو ومره تصيب ومره تخييب
ضعي لنا احد الطبخات اللي طبختيها ولو سلطه " انامكن ".

للاسف اني قاعده الجديده علي الموقع ومعنديش
صور لكن للامانه صورت غداي وخلاص وخيرها بغيرها*

اختاري ثلاث من الاكلات او المشروبات واهديها لأحد منالعضوات
1- اهداء للعضوة الاولى

تارت الفواكه لنسيبه

2- اهداء للعضوة الثانية
شوكلا لمغتربه7

3- اهداء للعضوة الثالثة

كنافه لخدوج

نختار الساجده لله

**فنان** · 03-12-2012, 05:08 PM

هههههههههههه لاياسويت لا موصلش بيا هكي هههههه وين بعدين كان بندير العمله هادي نحرم علي روحي المطبخ خير هههههههه:d

**sweet nona** · 03-12-2012, 05:27 PM

فنان
نورتي الموضوع
وعالرد الرائع
في التانية اعدادي
به اكويس

لكن خاشة عالحلو

ديري زي مغتربة7

مبكبكة اكويس

لكن اسمعي بسكويت
[[النحس]]
نبوه
بس ماتكتري bb
هههههه

يستر الله عالكاسترد
بنمش نشري وندس

ايوا خليهم ايخشو انزلي علي عندك
هههههه

ماشالله
غداك ايسهف

وانشالله اتزيد مشاركاتك واتزيد
زياراتك لمنتدانا الغالي

لكن شوكلاتة مغتربة7
مش عادية

نورتي
وماتغيبي على صفحتنا