قل خيرا أو اصمت

[بنت حواء]

تسلمو ياحبوبات نورتو متصفحي بردودكم اللطيفة
شكرااااااااااااا

[أم خديجه]

تسلمي علي الموضوع
في غاية الاهميه
الادهي انها منتشره بكثره وكأننا فقدنا الاحساس بمشاعر الاخرين
لو انه كل واحد قبل ما يسال يفكر للحظه مع نفسه هل سوالي مناسب او لا لتغيرت اشياء كثيرة
موضوعك رائع وياريت الاخوات يشارن برايهن
حتي نستفيدوا
اختي الصابرة (

قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ)

[الترياق]

بنت حواء عااااادي جداً فهذا مجتمعنا و الأحلي من هكي هذه الأدعية و أليي أنراهنكن كلكن انحن مريتن بيها في كل مجمع( ما شاء الله كبرت بنتك و طبعاً بصيغة السؤال و القصد معروف ؟؟؟ المهم ترد آمك فرحانة إيه كبرت!! اللمة أليي بعدها مازال ما جاها حد لا واللهي لا حول الله واللهي مانقصها شي ربي يفتح عليها!!!! و فتح ربي و تبدأ من جديد مافي شي ؟؟لا واللهي ربي يحن عليك و يبل كبيدتك!!! و تبلت الكبيدة و لتمو عندك ها شني واللهي بنات لا لازم تشدي حيلك لا زم تجيبيلهن خوي الولد عزوة!!!! حتا هذه عااااادي جداً أتجي في لمة عند وحدة ماعندها الا الولاد !! لا حول الله ربي قطعها من عرق محنه ربي يعطيها بنية حنينة!!! و.
و حتا هذه عاااادي جداً فتح عليك ربي بدري و و جبتي البنات و الولاد !!! معقولة تقعدي بلا ما يدعولك في كل لمة و مجمع عندكم سيارة لا ربي يعطيكم البيت ملك لا إجار ربي يعطيكم و عادي أتكوني كاملة و الكمال لله و ماناقصك شي و متهنية و كل شي ملك و الحمد لله تبدأ أكثر الدعوات المبطنة في مجتمعنا ربي أن شاء الله يخليكم لبعض و يبعد عنك العين و النقيق و
و ردي بالك تخليله قرش في إديه لأن أليي تكثر فلوسه تشيان مرته و يضايق حوشه.
و عاااادي جداً انك تكرهي اللمات و ماعاد تمشي لحد يندق عليك الباب و تطلع عمتك الحاجة فلانة و اللهي يابنيتي خطرتي علينا و حني عند عمتك فلانة و حلفتني أني كان مريت من قدام بيتكم انخبرك اننا عطيناك امس الفاتحة و دعينالك ربي ...... و ربي ........ و عبوا الفراغات مما سبق سرده. هههههههههه واللهي مجتمعنا جوه مش عادي و الييي ما جا ليبي فاته الجو.

[الترياق]

الصابرة صبوورة حبيبة عمره تأخر الإنجاب ما كان دليل نقص أو كمال المرأة أو الرجل و عسى أن تكرهوا شئ و هوا خيرا ً لكم .

[بنت الاشراف]

بارك الله فيك

[أم عبادة الليبية]

بارك الله فيك بنت حواء , كلام للأسف صحيح , وياريت كل واحد يبدأ بنفسه ويحس بغيره , حتى ننهوا هذه المهازل من التدخل في شؤون الآخرين , وأهم شئ في هذه الحياة كلها هو إن الله يكون راضي علينا أما البشر فرضاهم غاية لاتدرك , وجزيتي الجنة حبيبة .

[روح الطبخ]

مشكوره على الموضوع وبارك الله فيك

[ام ساره وعبدالعزيز]

والله كلامك جا على جرح مع حق مجتمعنا متعب يبى واحد حديد يتلقي الضربات هههههههه
صابرةربي يعطيك مايحرمك ويجبر بخاطرك وخاطرى يارب