السلام عليكم
اليوم جبتلكم صورة لسفرة متنوعة لإكلات ليبية ، و هذه صورة لزردة قمت بتجهيز بعض الاكلات الليبية متنوعة ، و كانت زردة لمجموعة عائلات اجتمعن في احد حدائق مجموعة من اصدقاء زوجي مع زجاتهم و الاطفال ،، و اعددت الاكلات الليبية الاننا بشوق و حنين دائم إلى ليبيا ، بحكم انا خارج الوطن الحبيب ، فكانت كل الاكلات ليبية بحثة و خاصة طرابلسية ، زي كفتة ، و بوريك الباف بستري،رز بالبصلة ، و مسير ، و سلاطات ، و درت حلو يلي هي، بسبوسة ، و غريبة الحلقوم ، و كعك مالح طرابلسي ، إن شاء الله تنال إعجابكم السفرة و نبي رائكم فيها ، ،،
نبدأ في السرد الممل ههههههههه
بسم الله
الكعك المالح
كوب زيت نباتي ، وثلاثة ارباع كوب ماء ، ملعقة ص ملح ، ملعقةص و ربع bb ، كمامين كون اخضر
محمص ز مرهوش ويانسون محمص مهروش وسمسم محمص و حبه بركة وممكن تزيدي
شوية زهر لكن نقص من مقدار الماء يجي افوح ، ما يعجن دقيق خليه ربع الى عشرين دقيقة مش اكثر
و شكلي كعك مالح
البوريك باف باستيري
البوريك واتي و كيماتك واتية شكليه مثلثات ادهني الوجه بصفار مع قهوة سريعة
نجوا توا الى
، الكفتة هذه طرابلسية حقانية ههههههه
كمية من اللحم المفورم ، 2 بصلات مبشورة ، 5 حبات ثوم مهروسين مع ملقة كمون حوت
و ملعقة قهوة طماطم حكة ، ملعقة كبيرة بزار و شوية فلفل احم اني مدرتش شوية فلفل اكحل شوية
رشه ربع كوب معدونس مفروم ناعم وخبزو مرحية ، 2 بيضة العجينة وسط تشكل اقراص
وتغلف بالدقيق و تقلي اني مدرتش البصلة اللي ديما بجنبها مرة ثانية ان شاء الله
لان الوجبة الررسمية رز بالبصلة
هذا هو الرسمس عاد
كمية لا باس بها من البصل مقرض جوانج رقيقة احلى ، حمص منقوع ينحطوا في الكسكاس
وتحتهم الطنجرة فيها شوية ربع كوب زيت نباتي ، وبصل شوية يتحمروا ونضع اللحم اني نفضل
في الغليظ لحم العقود و الا الخروف الوطني طبعا ابن يجي و نضيف 2 ملعقة طماطم
و بزار وفلفل اني نحب البزار و الفلفل ملقعة وسط و الملح
امرقي لين البصل يدبل ينحط في طنجرة بروحه و صبي علية شوية من دهان اللحم و شوية
حرارات البيت احلي و بزار وفلفل على راس الكاشيك البصلة متع الرز اثقل شوية
واقفة على راي ماما ام زكريا ربي يحفظها
والرز طريقتي نغسل الرز المصري و نخليه 10 دقائق منقوع
بعدين نحطه في الكسكاس ربع ساعة ثم ناخذ مرقة اللحم و نصب عليه كميات معقولة
مش جارية عاد لين يتلبس كله و نعطره بقرفة و حرارات نرده للكسكاس لين بنضج
ونسقي زي العادة
السلاطة العربية طبعا الجميع يعرفها
طريقة طاجين الجبن حسب طريقتي في الصورة دجاج مسلو ق ومحمر بشوية زيت ، بطاطا
صغيرة مقلية ، 4 بيضات ، حبزة مرحية ،ملعقتين صغار معدنوس ناعم و شوية بصل ناعم مش
هلبا و بهاراتك المفضلة و رشة كريمة من الجبن وكول على الفرن
عاد متنسوش التقييم و الردود الحلوة يا حلوات
المفضلات