[ طلب ] بخصوص تزيين الكب كيك

[خوخة]

هادول قوالب لكب كيك اشريتهم نبي رايكم ، وقولولي علي طريقة انزين بيها الكب كيك بعد ما يحهز
url=http://up.hwaml.com/uploads/13318198051.jpg][/url
url=http://up.hwaml.com/uploads/13318198052.jpg][/url]
url=http://up.hwaml.com/uploads/13318198053.jpg][/urlurl=http://up.hwaml.com/uploads/13318198054.jpg][/url]

[مغتربة 7]

اشكالهم حلووة
تبيديهم بالهني حبيبتي
وبالنسبة لطلبك عندك هلبة خيارات فى ركن الحلويات

[sweet nona]

ماشالله اختي
تبيديهم بالهني
اشكال حلوة
وفي عندك هلبا اشكال
وطرق تزيين
وزي ماقاتلك مغتربة7
ركن الحلويات
في طرق للكب والتزيين
حلوة

[زهرة البنفسج]

ماشاء الله
الطاجين الاول اضني يعمل به نوع من الحلويات اسمه مادلين تقريبا وزي ماقالولك ديري دورة في ركن الحلويات

[أمـ ساره]

ماشاء الله لا قوة الا بالله

شكلهم ايهبل تبيديهم بالهني ان شاء الله

يا ريت تقولي لي من وين شاريتيهم



بنسبة لطرق التزيين فهي كثيرة ومنوعة زي ما قالوا لك الاخوات

شوفي أركان الحلويات وفيه طرق للتزيين منوعة

الاول مثل ما قالت زهرة خاص بالمادلين

اما الباقيات فممكن اديري صوص مثل صوص المتوفي او صوص شوكولاته

او غاناش او ممكن تغلفي بشوكلاته سوداء وتزيين بخطوط من الشوكلاتة البيضاء او العكس



لازم تشوفي عدة مواضيع وتاخذي منها افكار

[خوخة]

شكرا حبيباتي ماقصرتوا بس سؤال شن هو المادلين

[أمـ ساره]

حبوبة المادلين زي الكب كيك الصغير

يبيعوا فيه جاهز في أكياس صغيرة تقريبا الوحدة بربع

وفيه منه 2 بكيس واحد وهو موجود بنكهة الفانيليا

ان شاء الله غير وصلتك المعلومة

ومرة شفت حورية المطبخ دارت طريقتها دوري عليها في النت
وان شاء الله تلقيها

[خوخة]

ايه عرفته وشكرا حبيبتي علي التوضيح

[ترهونيه حره]

تبيديهم بالهناء اما بخصوص التزيين ممكن تلبسى الكبك كيك بالمربى وبعدين بالجوز او تلبسيه بالشوكولا وبعدين فستق او تزينى الكب كيك بالسكر الناعم حسب رغبتك

[احلاهم رهوفه]

حلوات تبيديهم بالهنا يارب