[مشيميشة]من مطبخ خدوج

**خدوج** · 03-17-2012, 07:49 AM

حلى او حلوية المشيميشة

من فترة دورتها حرة فوق راس حرة فى قسم الطلبات
لذلك اهديها لها ولكل حبوبات المطبخ الليبيى

المقادير

13 ملعقة طعام مملؤة حليب بودر
من 2الى 3 بيضات حسب الحجم
ذرة ملح
ملعقة صغيرة خميرة بيكنج بودر
3 ملاعق دقيق
فانليا انا استعملت السائلة

الطريقة
نضع البيض فى اناء ويضرب خفيف بالشوكة ويضاف ذرة الملح ثم الحليب والدقيق والخميرة
واكيد ماتنسى الفانليا ولو وجدتى العجينة مفتت ضيفى البيضة الثالثة
تجبيك عجينة تلصق فى ايديك وفى الاناء اللى تعجنى فيه
عادى حاولى تنحيها من يديك بالملعقة ودخليها الثلاجة شوى ممكن 10 دقائق

وبعد ماتحيها من الثلاجة
جيبى شكليها دوائر بعد ماتدهنى يديك والاناء اللى بتحطيها فيه بالزيت
والمقدار شوى يدير ممكن 45 حبة

وبعد ماتكملى الدوائر جيبى اناء القلى
حاولى يكون الاناء صغير شوى لان الكمية صغيرة وممكن نقليها على مرتين
خلى الزيت يسخن ولمن يسخن هدى النار
وحطى كرات المشمش فيها
حاولى تكونى سريعة فى وضع الكرات
وانت تحطى ماشاء الله تتحمر بسرعة

حركيها بهدوء مع التقليب المستمر
تنتفخ بسرعة استمرى فى تقلبيها وهدى النار نصيحة باش تطيب كويس
وبعد ماتتحمر حوليها

وبعد ماتبرد شوى والعسل مش سخون عسليها

وصحتين على قلوبكم

ززززززززززززززززززززززززززززززززززوم

من الداخل

ملاحظة اللى مايحب الحليب مايديرهاش
لان بنة الحليب فيها قوية

**أم لينه** · 03-17-2012, 09:14 AM

ماشاء الله حبوبه تسلم الأيادي يا عسللللللللللل
بس شن الفرق بينها وبين اللقمة

**الصابرة** · 03-17-2012, 12:24 PM

مشكورة حبيبتي خدوج سلم دياتك واول مرة نسمع بيها لكن شكل طعمتها حلوة وباهي وقضتينا على موضوع بنت الحليب لان راجلي مايحبش الحليب يعني منيش دايرتها لين نعدي لاهلي لان احنا عيلة عشاق للحليب ناقصنا بقرة بس ههههههه

**فنان** · 03-17-2012, 01:08 PM

سلمت يداك
وبارك الله فيك

**زينب محمد** · 03-17-2012, 01:49 PM

الله يسلم ايديك ويعطيك الصحة والعافية خدوج

لو كان درتيلها حز بالسكين يطلع شكلها زي المشميشة

زمان كنت نشكل فيها هكي عيبها فقط انها تتلصق في اليد هلبة

لذلك لابد من دهن اليدين بالزيت

فيه حلو هندي نفس طريقتها بالحليب لكن توا ناسية اسمه

صحتين على قلوبكم

ننتظر منك مزيداً من المشاركات والموضوعات والتطبيقات

**طباخة تحت التدريب** · 03-17-2012, 03:48 PM

ررررررروعة شكلها يجنن يا ابلة خدوج تسلم ايدك

**أم ميوسة** · 03-17-2012, 05:03 PM

شكلها روعة خدوج تهبل

تسلم ايدياتك ما شاء الله عليك

تستحقي احلى تقييم

**المصراتيه** · 03-17-2012, 06:00 PM

خدووووووووووووووج شنو هدا كله
اول مره نسمع بيها واو محلاها شكلها
ماشاءالله عليك وبي يحفظك ان شاءالله
تسلم ايدياتك

**مغتربة 7** · 03-17-2012, 06:20 PM

يمييييييييييييييييي
ماشاء الله على ايدياتك ياخدوج
ديمة مبدعة وفنانة ربي يحفظك
مشميشة اتجي فى الخاطر
تسلم الايادي
احلى تقييييييييم لعيونك

**خدوج** · 03-17-2012, 08:27 PM

اقتباس:
المشاركة الأصلية كتبت بواسطة أم لينه
ماشاء الله حبوبه تسلم الأيادي يا عسللللللللللل
بس شن الفرق بينها وبين اللقمة

تسلملى ام لينة
الفرق بينها وبين اللقمة
مختلفة كليا تقريبا
حتى فى المكونات
ماسمعتش انهم اولاد عم
ممكن قبيلتهم وحدة اللى هى العسل بس(قصدى يتعسلوا)
فشن رايك ام لينة

اسعدنى مرورك

اقتباس:
المشاركة الأصلية كتبت بواسطة الصابرة
مشكورة حبيبتي خدوج سلم دياتك واول مرة نسمع بيها لكن شكل طعمتها حلوة وباهي وقضتينا على موضوع بنت الحليب لان راجلي مايحبش الحليب يعني منيش دايرتها لين نعدي لاهلي لان احنا عيلة عشاق للحليب ناقصنا بقرة بس ههههههه

ههههههههههههههههه
هيا شن تراجو ماشريتوش بقرة؟؟
والله عنده الحق راجلك حتى انى منحبش بنة الحليب
ومانحبهاش وماناكلش فيها..والحمد لله عالنعمة
خلاص جهزى يدياتك فى حوش اماليك
اسعدنى مرورك شكرا

اقتباس:
المشاركة الأصلية كتبت بواسطة فنان
سلمت يداك
وبارك الله فيك

وايديك ياحبيبة
شكرا لتواجدك

اقتباس:
المشاركة الأصلية كتبت بواسطة زينب محمد
الله يسلم ايديك ويعطيك الصحة والعافية خدوج

لو كان درتيلها حز بالسكين يطلع شكلها زي المشميشة

زمان كنت نشكل فيها هكي عيبها فقط انها تتلصق في اليد هلبة

لذلك لابد من دهن اليدين بالزيت

فيه حلو هندي نفس طريقتها بالحليب لكن توا ناسية اسمه

صحتين على قلوبكم

ننتظر منك مزيداً من المشاركات والموضوعات والتطبيقات

تسلمين يازوبة
اول مرة نعرف انها تنحز بالسكين
ماشاء الله افكارك تهبل وان شاء الله نجربها
وعن اللصق ماشاء الله تقولى من لصقها الصلقة فى يديك
شكرا زوبة اسعدنى مرورك وتواجدك
بوركتى

اقتباس:
المشاركة الأصلية كتبت بواسطة طباخة تحت التدريب
ررررررروعة شكلها يجنن يا ابلة خدوج تسلم ايدك

تسلمين ياطباخة
مستنين ابداعاتك
مادمتى تحت التدريب
ومراحب بيك بينا

اقتباس:
المشاركة الأصلية كتبت بواسطة أم ميوسة
شكلها روعة خدوج تهبل

تسلم ايدياتك ما شاء الله عليك

تستحقي احلى تقييم

شكرا..شكرا ..ام ميوسة
كلك ذوق
وشكرا لمرورك

اقتباس:
المشاركة الأصلية كتبت بواسطة المصراتيه
خدووووووووووووووج شنو هدا كله
اول مره نسمع بيها واو محلاها شكلها
ماشاءالله عليك وبي يحفظك ان شاءالله
تسلم ايدياتك

هلا بالمصراتية
هذا من ذوقك ياحبيبة
تسلمين ..شكرا
وللامانة ماتفرحى بيها هلبه
لانها منظر واوووووووو بس الاكل حسب الذوق
وانى مانحبهاش
وشكرا لتواجدك سعدت بتواجدك

اقتباس:
المشاركة الأصلية كتبت بواسطة مغتربة 7
يمييييييييييييييييي
ماشاء الله على ايدياتك ياخدوج
ديمة مبدعة وفنانة ربي يحفظك
مشميشة اتجي فى الخاطر
تسلم الايادي
احلى تقييييييييم لعيونك

تسلمين يامغتربة
الله يسلمك عالكلام الحلو زيك
صحيتى ربى يحفظك ويعطيك ماتتمنى
وشكرا لتقييمك
اسعدنى مرورك يالغالية

الموضوع: [مشيميشة]من مطبخ خدوج

أدوات الموضوع

عرض

[مشيميشة]من مطبخ خدوج

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة